ಕಾಲೇಜುಗಳಲ್ಲಿ ಸೀನಿಯರ್ಸ್‌ ಎನಿಸಿಕೊಂಡವರು ಜೂನಿಯರ್‌ ವಿದ್ಯಾರ್ಥಿಗಳ ಮೇಲೆ ರ್ಯಾಗಿಂಗ್‌ ಮಾಡೋದು ಕಾಮನ್‌. ಆದ್ರೆ ಇಂದೋರ್‌ನ ಎಂಜಿಎಂ ಮೆಡಿಕಲ್‌ ಕಾಲೇಜಿನಲ್ಲಿ ಹಿರಿಯ ವಿದ್ಯಾರ್ಥಿಗಳು ಫ್ರೆಶರ್‌ಗಳ ಮೇಲೆ ಬೇರೆಯೇ ತೆರನಾದ ಒತ್ತಡ ಹಾಕ್ತಿದ್ದಾರಂತೆ. ಅಸಹಜ ಸೆಕ್ಸ್‌ನಲ್ಲಿ ಪಾಲ್ಗೊಳ್ಳುವಂತೆ ಫ್ರೆಶರ್‌ಗಳನ್ನು ಒತ್ತಾಯಿಸುತ್ತಿದ್ದಾರಂತೆ. ಈ ಬಗ್ಗೆ ಯುಜಿಸಿ ಸಹಾಯವಾಣಿಗೆ ಎಂಬಿಬಿಎಸ್‌ ಮೊದಲ ವರ್ಷದ ವಿದ್ಯಾರ್ಥಿಗಳು ದೂರು ನೀಡಿದ್ದಾರೆ.
ಈ ಸಂಬಂಧ ಪೊಲೀಸರು ಸಹ ದೂರು ದಾಖಲಿಸಿಕೊಂಡಿದ್ದು, ಎಫ್‌ಐಆರ್‌ ದಾಖಲಿಸುವಂತೆ ಡೀನ್‌ಗೆ ಸೂಚನೆ ನೀಡಿದ್ದಾರೆ. ಸೀನಿಯರ್‌ ಸ್ಟೂಡೆಂಟ್‌ಗಳು ಫ್ರೆಶರ್‌ಗಳನ್ನು ತಮ್ಮ ಫ್ಲಾಟ್‌ಗೇ ಕರೆಸಿಕೊಂಡು ಅಸಹಜ ಲೈಂಗಿಕ ಕ್ರಿಯೆಗೆ ಒತ್ತಾಯಿಸಿರುವ ಆಡಿಯೋ ರೆಕಾರ್ಡಿಂಗ್‌ಗಳು ಮತ್ತು ಫೋಟೋಗಳನ್ನು ಸಹ ದೂರಿನ ಜೊತೆಗೆ ಲಗತ್ತಿಸಲಾಗಿದೆ.
ಕ್ಲಾಸ್‌ ಮುಗಿಯುತ್ತಿದ್ದಂತೆ ಸೀನಿಯರ್‌ಗಳ ಫ್ಲಾಟ್‌ಗೆ ಬರುವಂತೆ ಅವರಿಗೆ ಸೂಚಿಸಲಾಗುತ್ತಿದೆಯಂತೆ. ಅಲ್ಲಿ ಬರ್ತಿದ್ದಂತೆ ಚಿತ್ರ ವಿಚಿತ್ರ ರೀತಿಯಲ್ಲಿ ಅವರನ್ನು ಹಿಂಸಿಸಲಾಗುತ್ತಿದೆ. ವಿದ್ಯಾರ್ಥಿನಿಯರ ಬಗ್ಗೆ ಅಶ್ಲೀಲವಾಗಿ ಮಾತನಾಡುವಂತೆ ಹಿರಿಯ ವಿದ್ಯಾರ್ಥಿಗಳು ಒತ್ತಾಯಿಸುತ್ತಾರಂತೆ. ಅಷ್ಟೇ ಅಲ್ಲ ಪರಸ್ಪರರಿಗೆ ಕಪಾಳ ಮೋಕ್ಷ ಮಾಡಿಕೊಳ್ಳುವಂತೆಯೂ ಕಿರುಕುಳ ನೀಡಲಾಗುತ್ತಿದೆ. ಸೀನಿಯರ್‌ಗಳಿಗೆ ತೃಪ್ತಿ ಆಗುವವರೆಗೂ ಕಪಾಳಮೋಕ್ಷ ಮಾಡಿಕೊಳ್ಳುತ್ತಲೇ ಇರಬೇಕು. ಇದು ಫ್ರೆಶರ್‌ಗಳಿಗೆ ಅತ್ಯಂತ ಅಸಹನೀಯವೆನಿಸಿದೆ.
ಫ್ರೆಶರ್‌ಗಳಿಗೆ ಲೈಬ್ರರಿ, ಕ್ಯಾಂಟೀನ್‌ಗಳಿಗೆ ತೆರಳಲು ಸಹ ಸೀನಿಯರ್‌ಗಳು ಬಿಡುತ್ತಿಲ್ಲ. ವಾಟರ್‌ ಕೂಲರ್‌ಗಳನ್ನು ಬಳಸದಂತೆ ಕಾಟ ಕೊಡ್ತಿದ್ದಾರೆ. ವಿಚಿತ್ರ ಅಂದ್ರೆ ವ್ಯಕ್ತಿತ್ವ ವಿಕಸನದ ಹೆಸರಿನಲ್ಲಿ ಕೆಲವು ಪ್ರೊಫೆಸರ್‌ಗಳು ಕೂಡ ಈ ರ್ಯಾಗಿಂಗ್‌ ಅನ್ನು ಬೆಂಬಲಿಸ್ತಿದ್ದಾರಂತೆ. ಸದ್ಯ ಪ್ರಕರಣ ದಾಖಲಿಸಿಕೊಂಡಿರೋ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
Loading ...