ಶುಭ ಕೋರಲು ಬಂದು ಸ್ನೇಹಿತನನ್ನೇ ಕೊಲೆಗೈದ ಯುವಕ

ಬೆಂಗಳೂರು: ಕ್ರಿಸ್ ಮಸ್ ಶುಭಕೋರಲೆಂದು ಬಂದ ಯುವಕ ಸ್ನೇಹಿತನನ್ನೇ ಕೊಲೆಗೈದ ಘಟನೆ ಬೆಂಗಳೂರು ಹೊರವಲಯದ ಎಂ.ವಿ.ಗಾರ್ಡನ್ ನಲ್ಲಿ ನಡೆದಿದೆ.

ಮಿನ್ಯೂಷ್ ಎಂಬ ಯುವಕ ಕೊಲೆಯಾದ ದುರ್ದೈವಿ. ಡಿಸೆಂಬರ್ 24ರಂದು ನಡೆದಿದ್ದ ಹತ್ಯೆ ಪ್ರಕರಣವನ್ನು ಭೇದಿಸಿರುವ ಪೊಲೀಸರು ಯುವಕನ ಸ್ನೇಹಿತನನ್ನು ಬಂಧಿಸಿದ್ದಾರೆ.

ಸಂತೋಷ್ ಎಂಬಾತ ತನ್ನ ಸ್ನೇಹಿತ ಮಿನ್ಯೂಷ್ ಎಂಬಾತನ ಮನೆಗೆ ಹೋಗಿದ್ದ. ಈ ವೇಳೆ ಮಿನ್ಯೂಷ್ ಕೆಲ ಯುವಕರೊಂದಿಗೆ ಗಲಾಟೆ ಮಾಡುತ್ತಿದ್ದ. ಈ ವೇಳೆ ಜಗಳ ಬಿಡಿಸಲೆಂದು ಹೋದ ಸಂತೋಷ್ ಮೇಲೆಯೇ ಮಿನ್ಯೂಷ್ ಹಲ್ಲೆ ಮಾಡಿದ್ದಾನೆ. ಇದರಿಂದ ಕೋಪಗೊಂಡ ಸಂತೋಷ್ ಸ್ಥಳದಿಂದ ವಾಪಸ್ ಆಗಿದ್ದಾನೆ.

ಆದರೆ ತನ್ನ ಮೇಲೆಯೇ ಹಲ್ಲೆ ನಡೆಸಿದನಲ್ಲ ಎಂಬ ಕೋಪದ ಭರದಲ್ಲಿ ಇನ್ನೋರ್ವ ಸ್ನೇಹಿತ ಅಜಯ್ ಎಂಬಾತನ ಜೊತೆ ತೆರಳಿ ಮಿನ್ಯೂಷ್ ಗೆ ಚಾಕುವಿನಿಂದ ಇರಿದು ಕೊಲೆ ಮಾಡಿದ್ದಾನೆ. ಪ್ರಕರಣ ದಾಖಲಿಸಿಕೊಂಡಿದ್ದ ಪೊಲೀಸರು ಇದೀಗ ಆರೋಪಿಗಳಾದ ಸಂತೋಷ್ ಹಾಗೂ ಅಜಯ್ ಇಬ್ಬರನ್ನು ಬಂಧಿಸಿದ್ದಾರೆ.