ಈ ರಾಶಿಯ ವ್ಯಾಪಾರಿಗಳಿಗೆ ಇದೆ ಇಂದು ಉತ್ತಮ ಲಾಭ

ಮೇಷ : ನೆನೆಗುದಿಗೆ ಬಿದ್ದಿದ್ದ ಎಲ್ಲಾ ಕಾರ್ಯಗಳು ಇಂದಿನಿಂದ ಚುರುಕು ಪಡೆಯಲಿದೆ. ಇಂದು ನಿಮಗೆ ಹೊಸ ಸ್ನೇಹಿತರು ಸಿಗಲಿದ್ದಾರೆ.

ವಿದ್ಯಾರ್ಥಿಗಳು ಓದಿನಲ್ಲಿ ಉತ್ತಮ ಸಾಧನೆ ಮಾಡಲಿದ್ದಾರೆ. ಆರೋಗ್ಯದ ಮೇಲೆ ಹೆಚ್ಚಿನ ಕಾಳಜಿ ಇರಲಿ.

ವೃಷಭ : ಭೂ ವ್ಯಾಜ್ಯಗಳನ್ನು ಬಗೆಹರಿಸಿಕೊಳ್ಳುವ ಸಲುವಾಗಿ ನೀವು ಇಂದು ಪ್ರಭಾವಿ ವ್ಯಕ್ತಿಗಳನ್ನು ಭೇಟಿ ಮಾಡಲಿದ್ದೀರಿ. ಸಂಗಾತಿಯ ಆರೋಗ್ಯದಲ್ಲಿ ಏರುಪೇರು ಉಂಟಾಗುವ ಸಾಧ್ಯತೆ ಇದೆ. ರಿಯಲ್​ ಎಸ್ಟೇಟ್​ ಉದ್ಯಮಿಗಳಿಗೆ ಲಾಭವಿದೆ.

ಮಿಥುನ : ನವವಿವಾಹಿತರಿಗೆ ಸಂತಾನ ಭಾಗ್ಯವಿದೆ. ವ್ಯಾಪಾರಿಗಳು ಇಂದು ಉತ್ತಮ ಲಾಭವನ್ನು ಕಾಣಲಿದ್ದಾರೆ. ಮನೆಗೆ ಹೊಸ ವಾಹನವನ್ನು ತರಲಿದ್ದೀರಿ. ಅನಗತ್ಯ ಖರ್ಚುಗಳನ್ನು ಕಡಿಮೆ ಮಾಡಲು ಕೆಲವು ಮಹತ್ವದ ನಿರ್ಧಾರಗಳನ್ನು ಕೈಗೊಳ್ಳಲಿದ್ದೀರಿ.

ಕಟಕ : ವ್ಯಾಪಾರ – ವ್ಯವಹಾರಗಳಲ್ಲಿ ಯಾರನ್ನೇ ನಂಬುವ ಮುನ್ನ ನೂರು ಬಾರಿ ಯೋಚನೆ ಮಾಡಿ. ಇಲ್ಲವಾದಲ್ಲಿ ಭಾರೀ ದೊಡ್ಡ ನಷ್ಟವನ್ನು ಅನುಭವಿಸುವ ಸಾಧ್ಯತೆ ಇದೆ. ವೈವಾಹಿಕ ಸಂಬಂಧ ಕೂಡಿ ಬರಲಿದೆ. ಹಿಂದಿನ ಉಳಿತಾಯ ಯೋಜನೆಗಳು ಇಂದು ನಿಮ್ಮ ಸಂಕಷ್ಟಕ್ಕೆ ಸಹಾಯ ಮಾಡಲಿದೆ.

ಸಿಂಹ : ವೃತ್ತಿಯಲ್ಲಿ ನಿಮಗೆ ಇಂದು ಶುಭವಿದೆ. ಆಲಸ್ಯದಿಂದ ಕೆಲವು ಉತ್ತಮ ಅವಕಾಶಗಳನ್ನು ಕಳೆದುಕೊಳ್ಳಲಿದ್ದೀರಿ. ಮಕ್ಕಳು ಓದಿನ ಕಡೆಗೆ ಇನ್ನಷ್ಟು ಲಕ್ಷ್ಯವನ್ನು ನೀಡಲೇಬೇಕು. ದಾಂಪತ್ಯ ಜೀವನದಲ್ಲಿ ಮಾಧುರ್ಯ ಇರಲಿದೆ.

ಕನ್ಯಾ : ಅನಗತ್ಯ ಖರ್ಚುಗಳಿಗೆ ಕಡಿವಾಣ ಹಾಕಿ. ಆರ್ಥಿಕ ಸಂಕಷ್ಟ ತನ್ನಿಂದ ತಾನಾಗಿಯೇ ಸುಧಾರಣೆಯಾಗಲಿದೆ. ಕಚೇರಿಯಲ್ಲಿ ನಿಮ್ಮ ಕೆಲಸ ಇಂದು ಪ್ರಶಂಸೆಗಿಟ್ಟಿಸಿಕೊಳ್ಳಲಿದೆ. ಸಾರ್ವಜನಿಕ ಜೀವನದಲ್ಲಿ ಗೌರವ ಹೆಚ್ಚಲಿದೆ.

ತುಲಾ : ವ್ಯಾಪಾರಿಗಳಿಗೆ ದಿನದ ಆರಂಭದಲ್ಲಿ ಕೊಂಚ ನಷ್ಟ ಕಾದಿದೆ. ಸಂಜೆ ವೇಳೆಗೆ ಉತ್ತಮ ಲಾಭ ಕಾಣಲಿದ್ದೀರಿ. ತಂದೆಯ ಆರೋಗ್ಯದಲ್ಲಿ ಏರುಪೇರು ಉಂಟಾಗಲಿದೆ. ಇದು ನಿಮ್ಮನ್ನು ಆತಂಕಕ್ಕೆ ದೂರಲಿದೆ.

ವೃಶ್ಚಿಕ : ನಿಮ್ಮ ಪ್ರವೃತ್ತಿಯ ಕ್ಷೇತ್ರದಲ್ಲಿ ಉತ್ತಮ ಮನ್ನಣೆ ಸಂಪಾದಿಸಲಿದ್ದೀರಿ. ಸಂಗಾತಿಯು ದುಬಾರಿ ವಸ್ತು ಬೇಕೆಂದು ಹಠ ಹಿಡಿಯಬಹುದು. ಇದೇ ನಿಮ್ಮಿಬ್ಬರ ನಡುವಿನ ಕಲಹಕ್ಕೂ ಕಾರಣವಾಗಬಹುದು. ವಿದ್ಯಾರ್ಥಿಗಳಿಗೆ ಶುಭವಿದೆ.

ಧನು : ಕುಟುಂಬಸ್ಥರ ಜೊತೆ ಉತ್ತಮ ಸಮಯ ಕಳೆಯಲಿದ್ದೀರಿ. ನಿಮ್ಮ ಪ್ರೇಮ ಸಂಬಂಧ ವೈವಾಹಿಕ ರೂಪ ಪಡೆಯಲಿದೆ. ಗುತ್ತಿಗೆ ಆಧಾರಿತ ಕೆಲಸ ಮಾಡುವವರಿಗೆ ಒಳಿತಾಗಲಿದೆ.

ಮಕರ : ಇಂದು ನೀವು ಉತ್ತಮ ಲಾಭವನ್ನು ಪಡೆಯಲಿದ್ದೀರಿ. ಆದಾಯ ಹೆಚ್ಚಳವಾಗಲಿದೆ. ಇದರಿಂದ ನಿಮ್ಮ ಆರ್ಥಿಕ ಸಂಕಷ್ಟಗಳು ದೂರಾಗಲಿದೆ.

ಕುಂಭ : ನಿಮ್ಮ ಸಂಗಾತಿಗೆ ಉತ್ತಮ ಉಡುಗೊರೆ ನೀಡಲಿದ್ದೀರಿ. ನೆನೆಗುದಿಗೆ ಬಿದ್ದ ಕಾರ್ಯಗಳು ಕಾರ್ಯಗತ ಪಡೆದುಕೊಳ್ಳಲಿದೆ. ಮನೆಯಲ್ಲಿ ಅನುಕೂಲಕರ ವಾತಾವರಣ ಇರಲಿದೆ. ಆಸ್ತಿ ವಿಚಾರದಲ್ಲಿ ಲಾಭ ನಿಮ್ಮದಾಗಲಿದೆ.

ಮೀನ : ಪಿತ್ರಾರ್ಜಿತ ಆಸ್ತಿಯು ಕಷ್ಟ ಕಾಲಕ್ಕೆ ನೆರವಾಗಲಿದೆ. ಐಟಿ ಉದ್ಯೋಗಿಗಳಿಗೆ ಶುಭ ಸುದ್ದಿ ಕಾದಿದೆ. ಆರ್ಥಿಕ ಸ್ಥಿತಿಯಲ್ಲಿ ಸುಧಾರಣೆ ಇದೆ. ಕೌಟುಂಬಿಕ ಸಮಸ್ಯೆಗಳು ಬಗೆಹರಿಯಲಿದೆ. ಮಹಿಳೆಯರಿಗೆ ಧನಲಾಭವಿದೆ. ವಿದ್ಯಾರ್ಥಿಗಳಿಗೆ ಗುರು ಅನುಗ್ರಹವಿದೆ.