ಡ್ರಗ್ಸ್ ಪ್ರಕರಣ ಸಂಬಂಧ ಬಾಲಿವುಡ್ ನಟ ಅರ್ಜುನ್ ರಾಂಪಾಲ್ ಗೆಳತಿಯ ಸಹೋದರನಿಗೆ ಮತ್ತೊಮ್ಮೆ ಸಂಕಷ್ಟ ಎದುರಾಗಿದೆ. ಈ ಹಿಂದೆ ಸುಶಾಂತ್ ಸಿಂಗ್ ರಜಪೂತ್ ಪ್ರಕರಣದಲ್ಲೂ ಜೈಲು ಪಾಲಾಗಿದ್ದ ಅಗಿಸಿಲಾವ್ ಡಿಮೆಟ್ರಿಯಡ್ಸ್ ಇದೀಗ ಮತ್ತೆ ಬಂಧನಕ್ಕೊಳಗಾಗಿದ್ದಾನೆ. ಮುಂಬೈನ ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ ಅಗಿಸಿಲಾವ್ರನ್ನು ಬಂಧಿಸಿದೆ.
ಮುಂಬೈ ಎನ್ಸಿಬಿ ಅಗಿಸಿಲಾವ್ರಿಂದ ಸ್ವಲ್ಪ ಪ್ರಮಾಣದಲ್ಲಿದ್ದ ಡ್ರಗ್ಸ್ನ್ನು ವಶಕ್ಕೆ ಪಡೆದಿದೆ. ವೈಯಕ್ತಿಕ ಬಳಕೆಗಾಗಿ ಈ ಮಾದಕ ವಸ್ತುವನ್ನ ಅಗಿಸಿಲಾವ್ ಇಟ್ಟುಕೊಂಡಿದ್ದ ಎನ್ನಲಾಗಿದೆ. ಸ್ಥಳೀಯ ಕೋರ್ಟ್ ಅಗಿಸಿಲಾವ್ರನ್ನು ನ್ಯಾಯಾಂಗ ಬಂಧನದಲ್ಲಿರಿಸಿದೆ.
ಮುಂಬೈ ಹಾಗೂ ಗೋವಾದ ಎನ್ಸಿಬಿ ಪಡೆ ಜಂಟಿಯಾಗಿ ಗೋವಾದಲ್ಲಿ ಕಳೆದ ಎರಡು ದಿನಗಳಿಂದ ಕಾರ್ಯಾಚರಣೆಯನ್ನು ನಡೆಸುತ್ತಿದೆ.
ಕಾರ್ಯಾಚರಣೆ ವೇಳೆ ಎನ್ಸಿಬಿ ಮೂರು ಎನ್ಡಿಪಿಎಸ್ ಕೇಸುಗಳನ್ನು ದಾಖಲಿಸಿದೆ. ಇದರಲ್ಲಿ ಚರಸ್, ಎಲ್ಸಿಡಿ, ಎಂಡಿಎಂಎಗಳನ್ನು ಒಳಗೊಂಡಿದೆ. ಪ್ರಕರಣ ಸಂಬಂಧ ನಾಲ್ವರು ಪೆಡ್ಲರ್ಗಳನ್ನು ಬಂಧಿಸಲಾಗಿದೆ. ಈ ಮೂರು ಪ್ರಕರಣಗಳಲ್ಲಿ ಒಂದು ಅಗಿಸಿಲಾವ್ ಬಂಧನವಾಗಿದೆ.
ಉತ್ತರ ಗೋವಾದ ಪೆರ್ನೆಮ್ನಲ್ಲಿರುವ ಅಗಿಸಿಲಾವ್ ನಿವಾಸದಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ಚರಸ್ ಪತ್ತೆಯಾಗಿದೆ. ಇವರನ್ನು ಗೋವಾ ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು 14 ದಿನಗಳ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ ಎಂದು ಮುಂಬೈ ವಲಯ ನಿರ್ದೇಶಕ ಸಮೀರ್ ವಾಂಖೆಡೆ ಹೇಳಿದ್ದಾರೆ.
Loading ...