ಸೋನು ಸೂದ್ ಹುಟ್ಟುಹಬ್ಬಕ್ಕೆ ಅಭಿಮಾನಿಯಿಂದ ಅಚ್ಚರಿಯ ಗಿಫ್ಟ್

ಬಾಲಿವುಡ್ ನಟ ಸೋನು ಸೋದ್ ಅವರಿಗೆ ಹುಟ್ಟುಹಬ್ಬದ ಸಂಭ್ರಮ. ಅಭಿಮಾನಿಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ವಿಪುಲ್ ಮಿರಾಜ್ಕರ್ ಎಂಬ ಕಲಾವಿದ ವಿಭಿನ್ನವಾಗಿ ಸೋನು ಅವರಿಗೆ ಶುಭಾಶಯ ತಿಳಿಸಿದ್ದಾರೆ.

ಸುಮಾರು 50,000 ಚದರಡಿ ಭೂಮಿಯಲ್ಲಿ ಸೋನು ಸೂದ್ ಅವರ ಭಾವಚಿತ್ರವನ್ನು ಮಾಡುವ ಮುಖಾಂತರ ಕಲಾವಿದ ವಿಪುಲ್ ವಿಭಿನ್ನವಾಗಿ ಶುಭಾಶಯ ಕೋರಿದ್ದಾರೆ. ಇದನ್ನು ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಇವರು ‘ಸೋನು ಸೂದ್ ಅಣ್ಣ, ಹುಟ್ಟುಹಬ್ಬದ ಅಚ್ಚರಿಯ ಭಾವಚಿತ್ರ’ ಎಂಬ ಶೀರ್ಷಿಕೆ ನೀಡಿದ್ದಾರೆ.

ಇಡೀ ದೇಶದ ಗಮನ ಸೆಳೆದಿದ್ದ ಆಟೋ ಡಿಕ್ಕಿ ಹೊಡೆಸಿ ನ್ಯಾಯಾಧೀಶರ ಹತ್ಯೆ ಪ್ರಕರಣ: 17 ಮಂದಿ ಅರೆಸ್ಟ್

ಭವ್ಯವಾದ ಕಲಾಕೃತಿ ಮಾಡುವ ಸಲುವಾಗಿ ಮೈದಾನವನ್ನು ಅಗೆದು ಉಳುಮೆ ಮಾಡಿ, ಅದರಲ್ಲಿ ನಟನ ಪ್ರತಿಯೊಂದು ವೈಶಿಷ್ಟ್ಯವನ್ನು ಸಂಪೂರ್ಣವಾಗಿ ತೋರಿಸಿದ್ದಾರೆ. ಡ್ರೋನ್ ನಲ್ಲಿ ನೋಡಿದರೆ ಬಹಳ ಸುಂದರ ಹಾಗೂ ಬಹಳ ಅದ್ಭುತವಾಗಿ ಈ ಚಿತ್ರ ಕಾಣುತ್ತದೆ. ಎರಡು ದಿನಗಳ ಹಿಂದಷ್ಟೇ ಈ ವಿಡಿಯೋ ಹಂಚಿಕೊಳ್ಳಲಾಗಿದ್ದು, ಸದ್ಯ ಭಾರಿ ಜನಪ್ರಿಯತೆ ಪಡೆದಿದೆ. ನೆಟ್ಟಿಗರು ಕೂಡ ಮೆಚ್ಚಿ ಕೊಂಡಾಡಿದ್ದಾರೆ.

ಸೋನು ಸೂದ್ ಅವರು ಅನೇಕ ಚಲನಚಿತ್ರಗಳಲ್ಲಿ ಖಳನಾಯಕನಾಗಿ ಅಭಿನಯಿಸಿದ್ದಾರೆ. ಆದರೆ ಕೋವಿಡ್ ಸಾಂಕ್ರಮಿಕ ಸಮಯದಲ್ಲಿ ಕಷ್ಟದಲ್ಲಿದ್ದವರಿಗೆ ಸಹಾಯ ಮಾಡುವ ಮೂಲಕ ಜನರ ಮನಸ್ಸಿನಲ್ಲಿ ಹೀರೋ ಆಗಿದ್ದಾರೆ. ಹೀಗಾಗಿ ಇವರ ಅಭಿಮಾನಿಗಳ ಸಂಖ್ಯೆ ಜಾಸ್ತಿಯಾಗಿದೆ.

https://www.instagram.com/tv/CR8tR16j2VX/?utm_source=ig_web_copy_link