ನಾಲ್ಕು ಹೊಸ ವಾರ್ಷಿಕ ಯೋಜನೆಗಳನ್ನು ಪರಿಚಯಿಸಿದ ಡಿಸ್ನೆ + ಹಾಟ್​ಸ್ಟಾರ್​​

ಪ್ರಖ್ಯಾತ ಒಟಿಟಿ ವೇದಿಕೆಗಳಲ್ಲಿ ಒಂದಾದ ಡಿಸ್ನೆ + ಹಾಟ್​ಸ್ಟಾರ್​​ ಭಾರತದಲ್ಲಿ ಹೊಸ ಮೂರು ವಾರ್ಷಿಕ ಯೋಜನೆಗಳನ್ನು ಪರಿಚಯಿಸಿದೆ. ಮೊಬೈಲ್​ನಲ್ಲಿ ಅಪ್ಲಿಕೇಶನ್​ ಬಳಸುವವರಿಗೆ ವಾರ್ಷಿಕ 499 ರೂಪಾಯಿ, ಸೂಪರ್​ ಪ್ಲಾನ್​ಗೆ 899 ರೂಪಾಯಿ ಹಾಗೂ ಪ್ರಿಮೀಯಂ ಪ್ಲಾನ್​ಗೆ ವಾರ್ಷಿಕ 1499 ರೂಪಾಯಿ ನಿಗದಿ ಮಾಡಲಾಗಿದೆ. ಈ ಹೊಸ ಮೂರು ಯೋಜನೆಗಳು ಸೆಪ್ಟೆಂಬರ್ 1ನೇ ತಾರೀಖಿನಿಂದ ಜಾರಿಗೆ ಬರಲಿದೆ ಎಂದು ಕಂಪನಿ ಹೇಳಿದೆ.

ಹೊಸ ಪ್ಲಾನ್​ಗಳ ಬಗ್ಗೆ ಇನ್ನಷ್ಟು ಮಾಹಿತಿ ನೀಡೋದ್ರ ಜೊತೆ ದಿ ಎಂಪೈರ್​, ಹ್ಯೂಮನ್​, ಎಸ್ಕೇಯ್ಪ್​​​ ಲಿವ್​, ಸಿಟಿ ಆಫ್​ ಡ್ರೀಮ್ಸ್ ಸೀಸನ್​ 2 ಸೇರಿದಂತೆ ಇನ್ನೂ ಹಲವು ಹೊಸ ಶೋಗಳನ್ನು ಆರಂಭಿಸುತ್ತಿರೋದ್ರ ಬಗ್ಗೆ ಮಾಹಿತಿ ನೀಡಿದೆ.

899 ರೂಪಾಯಿ ಮೌಲ್ಯದ ಸೂಪರ್​ ಪ್ಲಾನ್​ ಮೂಲಕ ಒಂದೇ ಬಾರಿಗೆ ಹೆಚ್​ಡಿ ವಿಡಿಯೋ ಕ್ವಾಲಿಟಿಯ ಮೂಲಕ 2 ಸಾಧನಗಳಲ್ಲಿ ಡಿಸ್ನೆ + ಹಾಟ್​ಸ್ಟಾರ್​ ಬಳಕೆ ಮಾಡಬಹುದಾಗಿದೆ. ಅದೇ ರೀತಿ 499 ರೂಪಾಯಿ ಪ್ಲಾನ್​ನಲ್ಲಿ ಕೇವಲ 1 ಮೊಬೈಲ್​ನಲ್ಲಿ ಮಾತ್ರ ವೀಕ್ಷಣೆಗೆ ಅವಕಾಶವಿದೆ. ಇನ್ನು ಪ್ರೀಮಿಯಂ ಪ್ಲಾನ್​ ಮೂಲಕ ನಾಲ್ಕು ಡಿವೈಸ್​ಗಳಲ್ಲಿ ಡಿಸ್ನೆ + ಹಾಟ್​ಸ್ಟಾರ್​ ವೀಕ್ಷಣೆ ಮಾಡಬಹುದಾಗಿದೆ.