ರಷ್ಯಾದ ಲಕ್ಸೂರಿ ಸರಕುಗಳ ಬ್ರಾಂಡ್ ಕಾವಿಯರ್‌ ಜನಪ್ರಿಯ ಗ್ಯಾಜೆಟ್‌ಗಳ ಲಕ್ಸೂರಿ ವರ್ಶನ್‌ಗಳನ್ನು ಸಿದ್ಧಪಡಿಸುವಲ್ಲಿ ಪ್ರಖ್ಯಾತಿ ಪಡೆದಿದೆ.
ಇದೀಗ ಕಾವಿಯರ್‌ ಚಿನ್ನ ಲೇಪಿತ ಏರ್‌ಪಾಡ್‌ ಮ್ಯಾಕ್ಸ್‌ಗಳನ್ನು ಸಿದ್ಧಪಡಿಸಿದ್ದು, ಇದರ ಬೆಲೆ $108,000 (80 ಲಕ್ಷ ರೂ.ಗಳು) ಎಂದು ತಿಳಿದು ಬಂದಿದೆ. ಈ ಏರ್‌ಪಾಡ್‌ಗಳು ಸೀಮಿತ ಸಂಖ್ಯೆಯಲ್ಲಿ ಲಭ್ಯವಿರುವುದಾಗಿ ಕಾವಿಯರ್‌ ಹೇಳಿಕೊಂಡಿದೆ.
ಈ ಏರ್‌ಪಾಡ್‌ಗಳ ಇಯರ್ ಕಪ್‌ಗಳು ಚಿನ್ನದಿಂದ ಮಾಡಲ್ಪಟ್ಟಿವೆ. ಸಾಮಾನ್ಯವಾಗಿ ಈ ಇಯರ್ ಕಪ್‌ಗಳನ್ನು ಅಲ್ಯುಮಿನಿಯಮ್‌ನಲ್ಲಿ ಮಾಡಲಾಗುತ್ತದೆ. ಇದೇ ವೇಳೆ ಮೆಶ್‌ ಹೆಡ್‌ಬ್ಯಾಂಡ್ ಅನ್ನು ಅಪರೂಪದ ತಳಿಯ ಮೊಸಳೆಯ ಚರ್ಮದಿಂದ ಮಾಡಲಾಗಿದೆ ಎಂದು ಕಾವಿಯರ್‌ ತಿಳಿಸಿದೆ.
ಇದೇ ತಿಂಗಳ ಆರಂಭದಲ್ಲಿ ಲಾಂಚ್‌ ಮಾಡಲಾದ ಏರ್‌ಪಾಡ್‌ ಮ್ಯಾಕ್ಸ್‌‌ನ ಬೆಲೆಯು 60 ಸಾವಿರ ರೂ.ಗಳಷ್ಟಿದೆ.
Loading ...