ಮೇಯರ್​​ ಆಗಿ ಆಯ್ಕೆಯಾದ ಶ್ವಾನ..!

ಅಮೆರಿಕದ ಕೆಂಟುಕಿ ರಾಜ್ಯದ ರ್ಯಾಬಿಟ್​ ಹ್ಯಾಶ್​ ಎಂಬ ಕುಗ್ರಾಮವು ಈ ವರ್ಷದ ಹೊಸ ಮೇಯರ್​ನ್ನು ಆಯ್ಕೆ ಮಾಡಿದೆ.

ಆದರೆ ಈ ಮೇಯರ್​ ಆಗಿ ಮನುಷ್ಯನನ್ನ ಆಯ್ಕೆ ಮಾಡುವ ಬದಲು 6 ತಿಂಗಳು ವಯಸ್ಸಿನ ಫ್ರೆಂಚ್​ ಬುಲ್​ಡಾಗ್​ನ್ನ ಆಯ್ಕೆ ಮಾಡಲಾಗಿದೆ. 1990ರ ದಶಕದಿಂದಲೂ ಇಲ್ಲಿ ಮನುಷ್ಯರನ್ನ ಮೇಯರ್​ ಆಗಿ ಆಯ್ಕೆ ಮಾಡುವ ಪದ್ಧತಿ ಇಲ್ಲ ಎಂದು ಹೇಳಲಾಗಿದೆ.

ಫ್ರೆಂಚ್​ ಬುಲ್​ಡಾಗ್​ 13,143 ಮತಗಳೊಂದಿಗೆ ವಿಜಯ ಗಳಿಸಿದೆ. ಅಂದಹಾಗೆ ಇದು ಈವರೆಗಿನ ಗರಿಷ್ಠ ಮೊತ್ತದ ಮತ ಎಂದು ಪರಿಗಣಿಸಲಾಗಿದೆ. ಇನ್ನು ಈ ಚುನಾವಣೆಯಲ್ಲಿ ಬೀಗಲ್​ ಜಾತಿಯ ನಾಯಿ ಎರಡನೇ ಸ್ಥಾನ ಪಡೆದ್ರೆ ಗೋಲ್ಡನ್​ ರಿಟ್ರೈವರ್​​ ಮೂರನೇ ಸ್ಥಾನ ಪಡೆದಿದೆ. ಈ ರೀತಿ ಮನುಷ್ಯರ ಬದಲಿಗೆ ಪ್ರಾಣಿಗಳನ್ನ ಮೇಯರ್​ನ್ನಾಗಿ ಮಾಡುವ ಪ್ರಕ್ರಿಯೆ ನೋಡಿ ನೆಟ್ಟಿಗರು ಹುಬ್ಬೇರಿಸಿದ್ದಾರೆ.