ಶಾರೂಕ್‌ ಸಿಗ್ನೇಚರ್‌ ಸ್ಟೈಲ್‌ ನಲ್ಲಿ ಕಾಣಿಸಿಕೊಂಡ ಆಮೆ…!

ಆಮೆಯೊಂದು ತನ್ನ ಮುಂದಿನ ಕಾಲುಗಳನ್ನು ಚಾಚಿರುವ ವಿಡಿಯೋ ವೈರಲ್ ಆಗಿದ್ದು, ಅದನ್ನು ಬಾಲಿವುಡ್ ತಾರೆ ಶಾರುಕ್ ಖಾನ್ ಅವರ ಸಿಗ್ನೇಚರ್ ಶೈಲಿ ಎಂದು ನೆಟ್ಟಿಗರು ವ್ಯಾಖ್ಯಾನಿಸಿದ್ದಾರೆ.

ಅರಣ್ಯ ಅಧಿಕಾರಿ ಸುಧಾ ರಾಮೆನ್ ಟ್ವಿಟರ್ ನಲ್ಲಿ ಹಂಚಿಕೊಂಡಿರುವ 17 ಸೆಕೆಂಡುಗಳ ವಿಡಿಯೋದಲ್ಲಿ ಆಮೆಯೊಂದು ನೀರಿನ ಕೊಳದ ಪಕ್ಕದಲ್ಲಿ ಬಂಡೆಯ ಮೇಲೆ ಕುಳಿತಿದೆ. ಕೆಲ ಕ್ಷಣ ಆಮೆ ತನ್ನ ಮುಂಗಾಲು ಗಳನ್ನು ವಿಸ್ತರಿಸುತ್ತದೆ. ಇದನ್ನು ನೆಟ್ಟಿಗರು ಬಗೆ ಬಗೆಯಾಗಿ ಹೋಲಿಕೆ ಮಾಡಿದ್ದಾರೆ.

ಒಬ್ಬರು ಇದು ಶಾರುಕ್ ಸಿಗ್ನೇಚರ್ ಸ್ಟೈಲ್ ಎಂದು ಬಣ್ಣಿಸಿದರೆ ಮತ್ತೊಬ್ಬರು ಟೈಟಾನಿಕ್ ಶೈಲಿ ಎಂದು ಹೇಳಿದ್ದಾರೆ.‌ ಶಾರುಕ್ ಅಭಿಮಾನಿ ಎನ್ನಬಹುದು ಎಂದು ಒಬ್ಬರು ಪಡೆದುಕೊಂಡಿದ್ದಾರೆ. ಒಟ್ಟಾರೆ ಆಮೆಯ ಸ್ಟ್ರೆಚ್ ಚರ್ಚೆಗೆ ಆಹಾರವಾಗಿದೆ.