alex Certify
ಕನ್ನಡ ದುನಿಯಾ       Mobile App
       

Kannada Duniya

ಪುಷ್ಪ ಪ್ರದರ್ಶನಕ್ಕೆ ಹರಿದು ಬಂದ ಜನಸಾಗರ

ಬೆಂಗಳೂರು: ಸಸ್ಯ ಕಾಶಿ ಲಾಲ್ ಬಾಗ್ ನಲ್ಲಿ ಫಲಪುಷ್ಪ ಪ್ರದರ್ಶನದ ಕೊನೆಯ ದಿನವಾದ ಆ.15 ರಂದು ಲಾಲ್‌ಬಾಗ್‌ ಮೆಟ್ರೊ ನಿಲ್ದಾಣದ ಮೂಲಕ 37,536 ಮಂದಿ ಪ್ರಯಾಣಿಸಿದ್ದಾರೆ. ಸಾಮಾನ್ಯವಾಗಿ ವಾರಾತ್ಯಂತದಲ್ಲಿ ಮಾತ್ರ ಈ ಪ್ರಮಾಣದಲ್ಲಿ ಮೆಟ್ರೋ ಬಳಸುತ್ತಿದ್ದ ಜನರು ಸ್ವಾತಂತ್ರ್ಯ ದಿನಾಚರಣೆ ದಿನವಾದ ವಾರದ ನಡು ದಿನದಲ್ಲಿಯೇ ದಾಖಲೆ ಪ್ರಮಾಣದಲ್ಲಿ ಮೆಟ್ರೋ ಬಳಸಿರುವುದು ವಿಶೇಷವಾಗಿತ್ತು.

ಟಿಕೆಟ್‌ ಖರೀದಿ ವೇಳೆ ನೂಕುನುಗ್ಗಲು ಉಂಟಾಗಬಾರದು ಎಂಬ ದೃಷ್ಟಿಯಿಂದ ಲಾಲ್ ಬಾಗ್ ನಿಲ್ದಾಣದಿಂದ ಬೇರೆ ಕಡೆ ಪ್ರಯಾಣಿಸುವವರಿಗೆ ಬೆಂಗಳೂರು ಮೆಟ್ರೊ ರೈಲು ನಿಗಮವು ಪೇಪರ್‌ ಟಿಕೆಟ್‌ ವ್ಯವಸ್ಥೆ ಮಾಡಿತ್ತು. ಬುಧವಾರ ಒಂದೇ ದಿನ 23,874 ಮಂದಿ ಪೇಪರ್‌ ಟಿಕೆಟ್‌ ಖರೀದಿಸಿದ್ದಾರೆ. ಜನದಟ್ಟಣೆ ಹೆಚ್ಚು ಇದ್ದುದರಿಂದ, ಸಿಬ್ಬಂದಿ ಬಳಕೆ ಸೀಮಿತವಾದ ಪ್ರವೇಶ ದ್ವಾರಗಳನ್ನೂ ಪ್ರಯಾಣಿಕರಿಗಾಗಿ ತೆರೆಯಲಾಗಿತ್ತು.

ಕೊನೆಯ ದಿನದ ಪುಷ್ಪ ಪ್ರದರ್ಶನಕ್ಕೆ ದಾಖಲೆಯ ಜನಸಾಗರವೇ ಹರಿದು ಬಂದಿದ್ದು, 12 ದಿನಗಳವರೆಗೆ ನಡೆದ ಪ್ರದರ್ಶನದಲ್ಲಿ ಒಟ್ಟು 1.76 ಲಕ್ಷ ಜನ ಭೇಟಿ ನೀಡಿದ್ದು, 2.36 ಕೋಟಿ ಶುಲ್ಕ ಸಂಗ್ರಹವಾಗಿದೆ.

ಇನ್ನು ಲಾಲ್ ಬಾಗ್ ನಲ್ಲಿ ಸಂಗ್ರಹವಾದ ತ್ಯಾಜ್ಯ ಸಂಗ್ರಹ ಕೂಡ ಯಥೇಚ್ಛವಾಗಿದ್ದು, ಬುಧವಾರ ಒಂದೇ ದಿನ 2 ಟನ್‌ ತ್ಯಾಜ್ಯ ಸಂಗ್ರಹವಾಗಿದೆ ಎಂದು ತೋಟಗಾರಿಕೆ ಇಲಾಖೆಯ ನಿರ್ದೇಶಕ ಚಂದ್ರಶೇಖರ್‌ ತಿಳಿಸಿದ್ದಾರೆ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...