alex Certify
ಕನ್ನಡ ದುನಿಯಾ       Mobile App
       

Kannada Duniya

ಪ್ರವಾಹ ಸಂತ್ರಸ್ಥರ ಸಂಕಷ್ಟಕ್ಕೆ ಮರುಗಿದ ಪುಟ್ಟ ಬಾಲಕಿ ಮಾಡಿದ್ದೇನು ಗೊತ್ತಾ…?

ಕೊಡಗು ಜಿಲ್ಲೆಯ ಪ್ರವಾಹಪೀಡಿತ ಸಂತ್ರಸ್ಥರ ಸಂಕಷ್ಟ, ಗೋಳಿನ ದೃಶ್ಯಗಳನ್ನು ಟಿವಿಯಲ್ಲಿ ನೋಡಿದ ಪುಟ್ಟ ಬಾಲಕಿ ತನ್ನ ಬಳಿ ಇದ್ದ ಹಣ, ಚಾಕಲೇಟ್, ಬಿಸ್ಕೇಟ್ ಗಳನ್ನು ಸಂತ್ರಸ್ಥರಿಗೆ ನೀಡುವ ಸಲುವಾಗಿ ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ನೀಡುವ ಮೂಲಕ ಮಾದರಿಯಾಗಿದ್ದಾಳೆ

ಪ್ರವಾಹ ಸಂತ್ರಸ್ಥರ ಸ್ಥಿತಿ ಕಂಡು ಮರುಗಿದ ಈ ಪುಟ್ಟ ಬಾಲಕಿ, ಅಪ್ಪ ಆಗಾಗ ನೀಡುವ ಒಂದೆರಡು ರೂ. ಹಣ, ಜಾತ್ರೆಯಲ್ಲಿ ಬಟ್ಟೆ ಖರೀದಿಸಲು ಸಂಗ್ರಹಿಸಿದ ಹಣ ಎಲ್ಲವನ್ನೂ ಸೇರಿಸಿ ಸಂತ್ರಸ್ಥರಿಗೆ ನೀಡಲು ಮುಂದಾಗಿದ್ದಾಳೆ.

ವಿಜಯಪುರ ಜಿಲ್ಲೆಯ ದದಾಮಟ್ಟಿ ಗ್ರಾಮದ 4ನೇ ತರಗತಿ ವಿದ್ಯಾರ್ಥಿನಿ ಸುಶ್ಮಿತಾ ರವಿ ಬೆನಕಟ್ಟಿ ಸಾರವಾಡ ಗ್ರಾಮದಲ್ಲಿ ಶಾಲೆ ಕಲಿಯುತ್ತಿದ್ದಾಳೆ. ಕಳೆದ ನಾಲ್ಕೈದು ದಿನಗಳಿಂದ ಕೊಡಗಿನ ದುಃಸ್ಥಿತಿ ಕುರಿತು ಟಿವಿಯಲ್ಲಿ ನೋಡಿದ್ದಾಳೆ. ಅದನ್ನು ಕಂಡು ಮರುಗಿದ ಬಾಲಕಿ, ಎರಡು ದಿನಗಳಿಂದ ತಮ್ಮ ತಂದೆಗೆ ತಾನು ಯಾರಿಗೂ ಹೇಳದೆ ಸಂಗ್ರಹಿಸಿದ ಹಣದ ಕುರಿತು ಮಾಹಿತಿ ನೀಡಿದ್ದಾಳೆ. ಅಲ್ಲದೇ, ಈ ಹಣವನ್ನು ಕೊಡಗು ಸಂತ್ರಸ್ಥರಿಗೆ ನೀಡಲು ಹಠ ಹಿಡಿದಿದ್ದಾಳೆ. ಮಗಳ ಹಠಕ್ಕೆ ಕರಗಿದ ತಂದೆ ವಿಜಯಪುರ ಜಿಲ್ಲಾಧಿಕಾರಿ ಕಚೇರಿಗೆ ಬಂದು ತಮ್ಮ ಮಗಳು ಸಂಗ್ರಹಿಸಿದ್ದ ಹಣದ ಡಬ್ಬಿಯನ್ನು ಜಿಲ್ಲಾಧಿಕಾರಿಗಳಿಗೆ ನೀಡಿದ್ದಾರೆ.

ಬಾಲಕಿಯ ಹೃದಯವಂತಿಕೆಯನ್ನು ಮೆಚ್ಚಿದ ಜಿಲ್ಲಾಧಿಕಾರಿ ಕೆ.ಬಿ. ಶೆಟ್ಟೆಣ್ಣವರು ತಮ್ಮ ಬಳಿಯಿಂದಲೂ 500 ರೂಪಾಯಿ ನೋಟನ್ನು ಆ ಡಬ್ಬಿಯೊಳಗೆ ಹಾಕಿ ಮುಖ್ಯಮಂತ್ರಿ ಪರಿಹಾರ ನಿಧಿಗೆ ಕಳುಹಿಸಿಕೊಟ್ಟಿದ್ದಾರೆ. ಸಂತ್ರಸ್ಥರ ಸಂಕಷ್ಟಕ್ಕೆ ಮಿಡಿದು, ಈ ಪುಟ್ಟ ಬಾಲಕಿ ಮಾಡಿದ ಕಾರ್ಯ ನಿಜಕ್ಕೂ ಎಂತವರ ಕಣ್ಣನ್ನೂ ತೆರೆಸುವಂತಿದೆ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...