alex Certify
ಕನ್ನಡ ದುನಿಯಾ       Mobile App
       

Kannada Duniya

ಮಾತಿನಲ್ಲೇ ಮತದಾರರನ್ನು ಮೋಡಿ ಮಾಡುತ್ತಿರುವ ಅನಂತ್‌ ಕುಮಾರ್‌ ಹೆಗಡೆ

ಬಿಜೆಪಿ ಫೈರ್ ಬ್ರ್ಯಾಂಡ್ ಎಂದೇ ಖ್ಯಾತರಾದವರು ಅನಂತ್‍ ಕುಮಾರ್ ಹೆಗಡೆ. ಅವರು ಹೋದಲೆಲ್ಲಾ ಅವರ ಭಾಷಣ ಕೇಳೋಕೆ ಜನರು ಮುಗಿ ಬೀಳ್ತಾರೆ. ಹಾಗೆಯೇ ಅನಂತ್ ಕುಮಾರ್ ಪ್ರಚಾರಕ್ಕೆ ಹೋದಾಗೆಲ್ಲಾ ಒಂದೊಂದು ಅಪರೂಪದ ಘಟನೆಗಳು ನಡೆಯುತ್ತಿರುತ್ತವೆ.

ಉತ್ತರ ಕನ್ನಡ ಜಿಲ್ಲೆ ವ್ಯಾಪ್ತಿಯಲ್ಲಿ ಬರುವ ಬೆಳಗಾವಿ ಜಿಲ್ಲೆಯ ಖಾನಾಪರ ತಾಲೂಕಿನ ದೇವಾಂಗ ಗ್ರಾಮದಲ್ಲಿ ಎಂಗೇಜ್‍ ಮೆಂಟ್ ನಡೆಯುತ್ತಿತ್ತು. ಪ್ರಚಾರಕ್ಕೆಂದು ಆ ಗ್ರಾಮಕ್ಕೆ ಹೋದಾಗ ಸಡನ್‍ ಆಗಿ ನಿಶ್ಚಿತಾರ್ಥ ನಡೆಯುತ್ತಿದ್ದ ಮನೆಗೆ ಹೋಗಿ ಹುಡುಗ-ಹುಡುಗಿಗೆ ಶುಭ ಹಾರೈಸಿ, ಫೋಟೋ ಕ್ಲಿಕ್ಕಿಸಿಕೊಂಡ್ರು. ಅನಂತ್ ಕುಮಾರ್ ಹೆಗಡೆ ಹೋದಲೆಲ್ಲಾ ಅವರಿಗೆ ಮತ್ತು ಅವರ ಕಾರ್ಯಕರ್ತರಿಗೆ ಸ್ಥಳೀಯರಿಂದ ಆದರ-ಆತಿಥ್ಯ ಸಿಗುತ್ತಿದೆ.

ಹೀಗೆ ಪ್ರಚಾರ ಮುಗಿಸಿಕೊಂಡು ಗುಂಜಿ ಎಂಬ ಸ್ಥಳದಿಂದ ಹೋಗುವಾಗ ಹೆಗಡೆಯವರು ಬಿದಿರಿನ ಬುಟ್ಟಿ ಹೆಣೆಯುತ್ತಿದ್ದವರನ್ನು ಮಾತನಾಡಿಸಿದ್ದಾರೆ. ಅಲ್ಲದೆ ಈ ಕಲೆಯನ್ನು ಕಾಪಾಡಿಕೊಂಡು ಬರುವಂತೆ ಅವರನ್ನು ಪ್ರಶಂಸಿಸಿದ್ದಾರೆ.

ಅನಂತ್ ಕುಮಾರ್ ಹೆಗಡೆಯವರು ಹೋದ ಕಡೆಯಲೆಲ್ಲಾ ರಾಷ್ಟ್ರೀಯತೆ ಮತ್ತು ಅಭಿವೃದ್ಧಿ ಜಪ ಮಾಡ್ತಿದ್ದಾರೆ. ಅಲ್ಲದೆ ನರೇಂದ್ರ ಮೋದಿಯವರು ಮತ್ತೊಮ್ಮೆ ಪ್ರಧಾನಿಯಾಗಬೇಕು ಅಂತಾ ಕರೆ ನೀಡುತ್ತಿದ್ದಾರೆ.

ಇನ್ನು ಗುಂಜಿ ಎಂಬ ಗ್ರಾಮದಲ್ಲಿ ಅನಂತ್ ಕುಮಾರ್ ಹೆಗಡೆ ಮಾತು ಆರಂಭಿಸಿದಾಗ ಕರೆಂಟ್ ಕೈಕೊಟ್ಟ ಘಟನೆ ಕೂಡಾ ನಡೆದಿದೆ. ಈ ವೇಳೆ ಜನರು ಮಾತು ನಿಲ್ಲಿಸಬೇಡಿ ಅಂತಾ ಹೇಳಿದ್ದಾರೆ.

ಒಟ್ನಲ್ಲಿ ಫೈರ್ ಬ್ರಾಂಡ್‍ ಹೋದಲೆಲ್ಲಾ, ಬಿಜೆಪಿ ಮತ್ತು ಮೋದಿಯ ಕಾರ್ಯವೈಖರಿ ಬಗ್ಗೆ ಹೇಳುತ್ತಾ ಜೆಡಿಎಸ್-ಕಾಂಗ್ರೆಸ್ ಮೈತ್ರಿಕೂಟ ಸರ್ಕಾರವನ್ನು ತಿವಿಯುತ್ತಾ, ಮಾತಿನಿಂದಲೇ ಜನರನ್ನು ಮೋಡಿ ಮಾಡ್ತಿದ್ದಾರೆ.

Subscribe Newsletter

Get latest updates on your inbox...

Opinion Poll

  • ರಾಜ್ಯ ಸರ್ಕಾರ ಪತನಗೊಳಿಸುವ ಪ್ರಯತ್ನದ ಹಿಂದಿದೆಯಾ ಬಿಜೆಪಿ ನಾಯಕರ ಪಾತ್ರ...?

    View Results

    Loading ... Loading ...