alex Certify
ಕನ್ನಡ ದುನಿಯಾ       Mobile App
       

Kannada Duniya

ಹುಲಿ ಇರಬೇಕಾದ ಜಾಗದಲ್ಲಿತ್ತು ನಾಯಿ…!

ಚೀನಾದ ಪ್ರಾಣಿ ಸಂಗ್ರಹಾಲಯದಲ್ಲಿ ಪ್ರಾಣಿಗಳು ಅದಲು ಬದಲಾದ ಸುದ್ದಿ ವೈರಲ್ ಆಗ್ತಾ ಇದೆ.   ಹೆಬಿಯ ಯುಹೂ ಪ್ರಾಣಿ ಸಂಗ್ರಹಾಲಯದಲ್ಲಿ ಹುಲಿ ಇರುವ ಸ್ಥಳದಲ್ಲಿ ನಾಯಿ ಕಾಣಿಸಿಕೊಂಡಿದ್ದು, ಸದ್ಯ ಈ ಬಗ್ಗೆ ತನಿಖೆ ನಡೆಯುತ್ತಿದೆ.

ಪ್ರಾಣಿ ಸಂಗ್ರಹಾಲಯಕ್ಕೆ ಆಗಸ್ಟ್ 14 ರಂದು ಭೇಟಿ ಮಾಡಿದ ಪ್ರವಾಸಿ, ಈ ದೃಶ್ಯವನ್ನು ವಿಡಿಯೋ ಮಾಡಿ ಸಾಮಾಜಿಕ ತಾಣಗಳಲ್ಲಿ ಅಪ್ ಲೋಡ್ ಮಾಡಿದ್ದಾರೆ. ಈ ದೃಶ್ಯ ಸಖತ್ ವೈರಲ್ ಆಗ್ತಾ ಇದೆ. ಬರೀ ಒಂದೇ ಪ್ರಾಣಿಯ ಸ್ಥಾನ ಪಲ್ಲಟವಾಗಿಲ್ಲ. ಬದಲಿಗೆ ಹಲವು ಪ್ರಾಣಿಗಳು ತಮಗೆ ನಿಗದಿ ಮಾಡಿದ ಸ್ಥಳದಿಂದ ಬೇರೆ ಕಡೆ ಕಂಡು ಬಂದಿವೆ.

ಮೊಸಳೆಗೆ ಮೀಸಲಿಟ್ಟ ಸ್ಥಳದಲ್ಲಿ ಬಾತುಕೋಳಿ ಕಂಡು ಬಂದಿದೆ. ಗೂಬೆಗಳು ಹಾಗೂ ಚಿನ್ನದ ಬಣ್ಣದ ಹದ್ದುಗಳು ಇರಬೇಕಾದಲ್ಲಿ ನಾಯಿಗಳು ಪ್ರತ್ಯಕ್ಷವಾಗಿವೆ. ಇನ್ನು ಉದ್ದದ ಕಿವಿಯನ್ನು ಹೊಂದಿರುವ ಮೊಲಗಳ ಆವರಣದಲ್ಲಿ ಸಾಮಾನ್ಯ ಮೊಲಗಳು ಕಾಣಿಸಿಕೊಂಡಿವೆ. ಈ ದೃಶ್ಯಗಳನ್ನು ಸಾಮಾಜಿಕ ತಾಣಗಳಲ್ಲಿ ಅಪ್ ಲೋಡ್ ಮಾಡ್ತಾ ಇದ್ದಂತೆ, ಸಾರ್ವಜನಿಕರು ಹಿಡಿ ಶಾಪ ಹಾಕಿದ್ದಾರೆ.

ಈ ಬಗ್ಗೆ ಪ್ರಾಣಿ ಸಂಗ್ರಹಾಲಯದವರು ಮೌನ ಮುರಿದಿದ್ದಾರೆ. ಕೆಲವು ತಿಂಗಳುಗಳ ಹಿಂದೆ ನಮ್ಮ ಸಂಗ್ರಹಾಲಯದ ಪ್ರಾಣಿಗಳು, ಬೇರೆ ಕಡೆಗೆ ಸ್ಥಳಾಂತರವಾಗಿವೆ. ಇನ್ನು ಪ್ರಾಣಿಗಳನ್ನು ಸರಿಯಾಗಿ ಹೊಂದಿಸುವ ಕಾರ್ಯ ಬಾಕಿ ಇದೆ. ಹೀಗಾಗಿಯೇ ಪ್ರವಾಸಿಗರಿಂದ ಪಡೆಯುತ್ತಿರುವ ಹಣವನ್ನು ಸಹ ಕಡಿತಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...