alex Certify
ಕನ್ನಡ ದುನಿಯಾ       Mobile App
       

Kannada Duniya

ಈ ಯುವಕನ ಮನೆಯ ದೇವರ ಕೋಣೆಯಲ್ಲಿದೆ ಟ್ರಂಪ್ ಫೋಟೋ…!

ತೆಲಂಗಾಣದ ಜಾನ್ಗಾಂವ್ ಜಿಲ್ಲೆಯಲ್ಲಿರುವ ಪುಟ್ಟ ಗ್ರಾಮ ಕೊನ್ನೆ ನಿವಾಸಿ 31 ವರ್ಷದ ಬುಸ್ಸಾ ಕೃಷ್ಣಾನಿಗೂ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಗೂ ಎಲ್ಲಿಯ ಸಂಬಂಧ. ಆದರೂ ಈತ ತನಗೆ ಅಮೆರಿಕ ಅಧ್ಯಕ್ಷರಿಂದ ಸಂದೇಶ ಬಂದಿದೆ ಎಂಬ ದೃಢ ನಂಬಿಕೆ ಹೊಂದಿದ್ದಾನೆ. ಜೊತೆಗೆ ಟ್ರಂಪ್ ಫೋಟೋಗೆ ಪ್ರತಿನಿತ್ಯ ಪೂಜೆ ಮಾಡುತ್ತಿದ್ದಾನೆ. ಹಾಗಾದ್ರೆ ಈ ಸ್ಟೋರಿ ಏನು ಅಂತೀರಾ? ಮುಂದೆ ಓದಿ.

ಈ ಕಥೆ ಆರಂಭವಾಗುವುದು ಕಳೆದ ವರ್ಷದ ಫೆಬ್ರವರಿಯಲ್ಲಿ ಜನಾಂಗೀಯ ದ್ವೇಷಕ್ಕೆ ಬಲಿಯಾದ ಶ್ರೀನಿವಾಸ್ ಕುಚಿಬೋಟ್ಲಾ ಪ್ರಕರಣದಿಂದ. ಇದರಿಂದ ತೀವ್ರವಾಗಿ ನೊಂದಿದ್ದ ಕೃಷ್ಣಾ, ಮುಂದೆ ಇಂತಹ ಘಟನೆ ಮರುಕಳಿಸಬಾರದೆಂಬ ಕಾರಣಕ್ಕೆ ವಿಶ್ವದ ಶಕ್ತಿಶಾಲಿ ರಾಷ್ಟ್ರ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಫೋಟೋಗೆ ಪೂಜೆ ಮಾಡಲು ಆರಂಭಿಸಿದ್ದು, ಇಂತಹ ಶಕ್ತಿ ಇರುವುದು ಡೊನಾಲ್ಡ್ ಟ್ರಂಪ್ ಅವರಿಗೆ ಮಾತ್ರ ಎಂಬ ದೃಢ ವಿಶ್ವಾಸ ಕೃಷ್ಣಾನದ್ದು. ಮನೆಯಲ್ಲಿರುವ ಇತರ ದೇವತೆಗಳ ಫೋಟೊ ಜೊತೆಗೆ ಟ್ರಂಪ್ ಫೋಟೋಗೂ ಜಾಗ ಸಿಕ್ಕಿದೆ.

ಕೃಷ್ಣಾನ ವರ್ತನೆಗೆ ಗ್ರಾಮಸ್ಥರು ಗೇಲಿ ಮಾಡಿದರೂ ಆತ ತಲೆಕೆಡಿಸಿಕೊಂಡಿಲ್ಲ. ಒಂದಲ್ಲ ಒಂದು ದಿನ ತನ್ನ ಪೂಜೆ ಫಲ ಕೊಡುತ್ತದೆ ಎಂದು ನಂಬಿರುವ ಆತ, ಈಗಾಗಲೇ ಡೊನಾಲ್ಡ್ ಟ್ರಂಪ್ ರಿಂದ ನನಗೆ ಸಂದೇಶ ಬಂದಿದ್ದು, ಮುಂದಿನ ಭಾರತ ಭೇಟಿ ವೇಳೆ ನನ್ನನ್ನು ನೆನಪಿಸಿಕೊಳ್ಳುವುದು ಖಂಡಿತ ಎಂಬ ನಂಬಿಕೆ ಹೊಂದಿದ್ದಾನೆ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...