alex Certify
ಕನ್ನಡ ದುನಿಯಾ       Mobile App
       

Kannada Duniya

ಆತ್ಮಹತ್ಯಾ ಬಾಂಬ್ ದಾಳಿಗೂ ಮುನ್ನ ವಿಡಿಯೋ ರೆಕಾರ್ಡ್ ಮಾಡಿದ್ದ ಉಗ್ರ

ದಕ್ಷಿಣ ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯಲ್ಲಿ ನಿನ್ನೆಯಷ್ಟೆ ಆತ್ಮಹತ್ಯಾ ಬಾಂಬ್ ಸ್ಫೋಟಿಸಿದ್ದ ಉಗ್ರರು, ಐವರು CRPF ಯೋಧರನ್ನು ಹತ್ಯೆ ಮಾಡಿದ್ದರು. ಇದೀಗ ಪಾಕಿಸ್ತಾನ ಮೂಲದ ಜೈಶ್ ಇ ಮೊಹಮ್ಮದ್ ಭಯೋತ್ಪಾದಕ ಸಂಘಟನೆ ವಿಡಿಯೋ ಒಂದನ್ನು ರಿಲೀಸ್ ಮಾಡಿದೆ.

ಮುಸಲ್ಮಾನರು ಅದರಲ್ಲೂ ಕಾಶ್ಮೀರದ ಯುವಕರೆಲ್ಲ ಒಟ್ಟಾಗಿ ಭಾರತದ ವಿರುದ್ಧ ಹೋರಾಡೋಣ ಅಂತಾ ವಿಡಿಯೋದಲ್ಲಿ ಉಗ್ರ ಕರೆ ನೀಡಿದ್ದಾನೆ. ತನ್ನ ಸುತ್ತಲೂ ಬಂದೂಕು ಮತ್ತು ಮದ್ದುಗುಂಡುಗಳನ್ನಿಟ್ಟುಕೊಂಡು 17 ವರ್ಷದ ಫರ್ದೀನ್ ಅಹ್ಮದ್ ಈ ವಿಡಿಯೋ ರೆಕಾರ್ಡ್ ಮಾಡಿದ್ದಾನೆ.

ವಿಡಿಯೋ ರಿಲೀಸ್ ಆಗುವಷ್ಟರಲ್ಲಿ ತಾನು ಸ್ವರ್ಗದಲ್ಲಿರುತ್ತೇನೆ ಅಂತಾನೂ ಹೇಳಿಕೊಂಡಿದ್ದಾನೆ. ಉಗ್ರ ಸಂಘಟನೆ ಸೇರಿರೋ ಫರ್ದೀನ್ ಪೊಲೀಸ್ ಅಧಿಕಾರಿಯೊಬ್ಬರ ಮಗ ಅನ್ನೋದು ವಿಪರ್ಯಾಸ. ಮೂರು ತಿಂಗಳ ಹಿಂದಷ್ಟೆ ಈತ ಭಯೋತ್ಪಾಕ ಸಂಘಟನೆಯನ್ನು ಸೇರಿದ್ದ.

ಆದ್ರೆ ನಿನ್ನೆ ಸಿ ಆರ್ ಪಿ ಎಫ್ ನೆಲೆ ಮೇಲೆ ಆತ್ಮಹತ್ಯಾ ಬಾಂಬ್ ದಾಳಿ ಮಾಡುವ ಮೂಲಕ ಇವನ ಬದುಕು ಅಂತ್ಯವಾಗಿದೆ. ಧರ್ಮ ನಿಂದಕರು ನಮ್ಮ ಭೂಮಿಯನ್ನು ಕಬಳಿಸಿದ್ದಾರೆ. ಮಹಿಳೆಯರ ಗೌರವಕ್ಕೆ ಧಕ್ಕೆಯಾಗ್ತಿದೆ. ಜಿಹಾದ್ ಈಗ ನಮ್ಮ ಕರ್ತವ್ಯ, ಕಾಶ್ಮೀರದ ಯುವಕರೇ ನಿಮ್ಮ ಕರ್ತವ್ಯವನ್ನು ಅರಿತುಕೊಳ್ಳಿ ಅಂತೆಲ್ಲಾ ವಿಡಿಯೋದಲ್ಲಿ ಹೇಳಿದ್ದಾನೆ.

 

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...