ಮದುವೆ ಸಮಾರಂಭದಲ್ಲಿ ನೃತ್ಯ ಮಾಡುವುದು ಈಗ ಸಾಮಾನ್ಯವಾಗಿದೆ. ನೃತ್ಯ, ಸಂಗೀತವಿಲ್ಲದ ಮದುವೆ ಅಪೂರ್ಣ ಎನಿಸುವಂತಿದ್ದು, ಅವುಗಳ ಪೈಕಿ ಕೆಲವೊಂದು ವಿಡಿಯೋಗಳು ವೈರಲ್ ಆಗುತ್ತವೆ. ಅಂಥದ್ದೇ ಒಂದು ವಿಡಿಯೋ ಈಗ ವೈರಲ್ ಆಗಿದೆ.
ಈ ವಿಡಿಯೋದಲ್ಲಿ ತಂದೆ ಮತ್ತು ಮಗಳು ಜೋಡಿಯ ನೃತ್ಯ ಮಾಡುವುದನ್ನು ನೋಡಬಹುದು.
ಈ ವಿಡಿಯೋವನ್ನು ಶಾದಿಬಿಟಿಎಸ್‌ನ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಹಂಚಿಕೊಳ್ಳಲಾಗಿದೆ. ಅಪ್ಪ-ಮಗಳ ನೃತ್ಯವನ್ನು ವೀಕ್ಷಕರು ಮೆಚ್ಚಿಕೊಂಡಿದ್ದಾರೆ. ಇದಾಗಲೇ ವಿಡಿಯೋ 3 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ.
ವಿಡಿಯೋದಲ್ಲಿ ʼಕಾರ್ತಿಕ್ ಕಾಲಿಂಗ್ ಕಾರ್ತಿಕ್ʼ ಚಿತ್ರದ ʼಉಫ್ ತೇರಿ ಅದಾʼ ಹಾಡಿಗೆ ಅಪ್ಪ-ಮಗಳು ನೃತ್ಯ ಮಾಡಿದ್ದಾರೆ. ಇಬ್ಬರ ಅದ್ಭುತ ನೃತ್ಯಕ್ಕೆ ನೆರೆದವರು ಚಪ್ಪಾಳೆ ಹೊಡೆಯುತ್ತಿದ್ದರೆ, ಈ ಜೋಡಿ ಇನ್ನೂ ಜೋಶ್ನಿಂದ ಹೆಜ್ಜೆ ಹಾಕುವುದನ್ನು ನೋಡಬಹುದು. ಈ ಅಪ್ಪ-ಮಗಳನ್ನು ದೀಪಕ್ ಬನ್ಸಾಲ್ ಮತ್ತು ಮಗಳು ರುಚಿಕಾ ಬನ್ಸಾಲ್ ಎನ್ನಲಾಗಿದೆ.
Loading ...