alex Certify
ಕನ್ನಡ ದುನಿಯಾ       Mobile App
       

Kannada Duniya

ದೂರು ನೀಡಿ ‘ಸಂಕಷ್ಟ’ ಕ್ಕೆ ಸಿಲುಕಿದ ‘ಕೈ’ ನಾಯಕ

ಮತದಾರರ ಪಟ್ಟಿಯಲ್ಲಿ 25 ಸಾವಿರ ಬೋಗಸ್ ಹೆಸರಿದೆ ಎಂದು ಚುನಾವಣೆ ಆಯೋಗಕ್ಕೆ ದೂರು ನೀಡಿದ ಕಾಂಗ್ರೆಸ್ ನಾಯಕನ ಹೆಸರು ಎರಡು ಕ್ಷೇತ್ರದ ಮತದಾರರ ಪಟ್ಟಿಯಲ್ಲಿರುವುದು ಪತ್ತೆಯಾಗಿದೆ.

ಮಧ್ಯ ಪ್ರದೇಶದ ಕಾಂಗ್ರೆಸ್ ಕಾರ್ಯದರ್ಶಿ ಮತ್ತು ಲೋಕಸಭೆ ಮಾಜಿ ಸದಸ್ಯ ಸಜ್ಜನ್ ಸಿಂಗ್ ವರ್ಮ ಇಂಥದ್ದೊಂದು ಸಂಕಟಕ್ಕೆ ಸಿಲುಕಿದ್ದಾರೆ. ಅವರ ಹೆಸರು ದೆವಾಸ್ ಜಿಲ್ಲೆ ಸೋನ್ಕಾಚ್ ವಿಧಾನಸಭೆ ಕ್ಷೇತ್ರದ ಮತದಾರರ ಪಟ್ಟಿಯಲ್ಲಿದ್ದು, ಅವರು ಇತ್ತೀಚಿನ ಚುನಾವಣೆಯಲ್ಲಿ ಇಂದೋರ್ ನಲ್ಲಿ ಮತ ಚಲಾಯಿಸಿದ್ದರು.

ಎರಡು ಕಡೆ ಮತದಾರರ ಪಟ್ಟಿಯಲ್ಲಿ ಅವರ ಹೆಸರು ಇರುವುದನ್ನು ಚುನಾವಣಾಧಿಕಾರಿಗಳು ಖಚಿತಪಡಿಸಿದ್ದಾರೆ. ವಿಶೇಷವೆಂದರೆ ಸೋನ್ಕಾಚ್ ಕ್ಷೇತ್ರದಲ್ಲಿ ಮತದಾರರ ಪಟ್ಟಿಯನ್ನು ಪರಿಷ್ಕರಿಸಬೇಕೆಂದು ಅವರೇ ದೂರು ನೀಡಿದ್ದರು.

ಸೋನ್ಕಾಚ್ ವಿಧಾನಸಭೆ ಕ್ಷೇತ್ರ ಚುನಾವಣಾಧಿಕಾರಿ ನೀತಾ ರಾಥೋಡ್ ಅವರು ಮತದಾರರ ಪಟ್ಟಿಯನ್ನು ಪರಿಶೀಲಿಸಿದಾಗ ವರ್ಮ ಹೆಸರು ಇರುವುದು ಖಚಿತವಾಗಿತ್ತು. ಹೀಗಾಗಿ ಆಗಸ್ಟ್ 23 ರಂದು ನೋಟಿಸ್ ನೀಡಲಾಗಿದ್ದು, 29ರಂದು ದಾಖಲೆ ಹಾಜರುಪಡಿಸಬೇಕೆಂದು ಸೂಚನೆ ನೀಡಲಾಗಿದೆ.

ಇದೇ ವೇಳೆ ಮತದಾರರ ಪಟ್ಟಿಯಲ್ಲಿ ಉಲ್ಲೇಖಿಸಿರುವ ವಿಳಾಸದಲ್ಲಿ ವರ್ಮ ವಾಸವಿಲ್ಲ ಎಂಬುದನ್ನು ಅಧಿಕಾರಿಗಳು ಖಚಿತಪಡಿಸಿಕೊಂಡಿದ್ದಾರೆ. ವರ್ಮ‌ ಮಾತ್ರ ಈ ಆರೋಪ ತಳ್ಳಿಹಾಕಿದಾರೆ. ತಾವು ಆರಂಭದಿಂದಲೂ ಇಂದೋರ್ ನಲ್ಲಿ ಮತ ಚಲಾಯಿಸಿದ್ದಾಗಿ ಹೇಳಿಕೊಂಡಿದ್ದಾರೆ.

ವಿಶೆಷವೆಂದರೆ ಬಿಜೆಪಿಯು ಮತದಾರರ ಪಟ್ಟಿಯಲ್ಲಿ ಪ್ರಭಾವ ಬೀರಿ ಬೋಗಸ್ ಹೆಸರನ್ನು ಸೇರಿಸಿದೆ ಎಂದು ಕಾಂಗ್ರೆಸ್ ಚುನಾವಣೆ ಆಯೋಗಕ್ಕೆ ದೂರು ನೀಡಿತ್ತು.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...