alex Certify ʼಪರೀಕ್ಷೆʼಯಲ್ಲಿ ಯಶಸ್ಸು ಗಳಿಸಲು ಇದರ ಬಗ್ಗೆಯೂ ಇರಲಿ ಗಮನ | Kannada Dunia | Kannada News | Karnataka News | India News
ಕನ್ನಡ ದುನಿಯಾ
    Dailyhunt JioNews

Kannada Duniya

ʼಪರೀಕ್ಷೆʼಯಲ್ಲಿ ಯಶಸ್ಸು ಗಳಿಸಲು ಇದರ ಬಗ್ಗೆಯೂ ಇರಲಿ ಗಮನ

ಮಾರಣಾಂತಿಕ ಕೊರೊನಾ ಮಹಾಮಾರಿ ದೇಶಕ್ಕೆ ವಕ್ಕರಿಸಿಕೊಂಡ ಪರಿಣಾಮ ನಿಗದಿಯಾಗಿದ್ದ ಪರೀಕ್ಷೆಗಳನ್ನು ಮುಂದೂಡಲಾಗಿತ್ತು. ಇದೀಗ ವಿದ್ಯಾರ್ಥಿ ಜೀವನದ ಪ್ರಮುಖ ಘಟ್ಟವಾದ ಎಸ್.‌ಎಸ್.‌ಎಲ್.ಸಿ. ಹಾಗೂ ರದ್ದಾಗಿದ್ದ ದ್ವಿತೀಯ ಪಿಯುಸಿಯ ಇಂಗ್ಲೀಷ್‌ ವಿಷಯದ ಪರೀಕ್ಷೆಯನ್ನು ನಿಗದಿಪಡಿಸಲಾಗಿದೆ.

ಎಸ್.‌ಎಸ್.‌ಎಲ್.‌ಸಿ. ಪರೀಕ್ಷೆಯನ್ನು ಜೂನ್‌ 25 ರಿಂದ ಜುಲೈ 4 ರವರೆಗೆ ನಡೆಸಲಾಗುತ್ತದೆ. ಮುಂದಿನ ದಿನಗಳಲ್ಲಿ ಪರೀಕ್ಷಾ ವೇಳಾಪಟ್ಟಿಯನ್ನು ಪ್ರಕಟಿಸಲಾಗುತ್ತದೆ.

ಪಿಯುಸಿ ಇಂಗ್ಲೀಷ್‌ ವಿಷಯದ ಪರೀಕ್ಷೆಯನ್ನು ಜೂನ್‌ 18 ರಂದು ನಡೆಸಲಾಗುತ್ತದೆ.

ಪರೀಕ್ಷೆಯಲ್ಲಿ ಯಶಸ್ಸು ಗಳಿಸಲು ಶ್ರಮ ಅವಶ್ಯಕ. ನಿಮ್ಮ ಓದಿನ ಬಗ್ಗೆ ಗಮನ ನೀಡಿದಂತೆಯೇ ಆರೋಗ್ಯದ ಬಗ್ಗೆಯೂ ಕಾಳಜಿ ವಹಿಸಿ.

ಉಪವಾಸವಿದ್ದು, ನಿದ್ದೆಗೆಟ್ಟು ಓದಬೇಡಿ. ಸಮಯ ವ್ಯರ್ಥ ಮಾಡದೇ, ಸಿಕ್ಕ ವೇಳೆಯಲ್ಲಿಯೇ ನಿಮ್ಮ ಓದು ಮುಂದುವರೆಯಲಿ. ಕೆಲವರಂತೂ ಪರೀಕ್ಷೆ ಸಮೀಪಿಸುತ್ತಿರುವಂತೆಯೇ ಒತ್ತಡಕ್ಕೆ ಒಳಗಾಗಿ ನಿದ್ದೆಗೆಟ್ಟು ಓದುತ್ತಾರೆ. ಇನ್ನು ಕೆಲವರು ಸಮಯಕ್ಕೆ ಸರಿಯಾಗಿ ಊಟ, ತಿಂಡಿಯನ್ನೂ ಸೇವಿಸುವುದಿಲ್ಲ.

ಹೀಗೆಲ್ಲಾ ಮಾಡಬೇಡಿ, ಇದರಿಂದ ಆರೋಗ್ಯ ಏರುಪೇರಾಗುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಉಪವಾಸ ಮಾಡದೇ, ಅತಿಯಾಗಿ ಆಹಾರ ಸೇವಿಸದೇ, ಹಿತಮಿತವಾಗಿ ಆಹಾರ ಸೇವಿಸಿರಿ.

ಸಮತೋಲನ ಆಹಾರದಿಂದ ಆರೋಗ್ಯದ ಜೊತೆಗೆ, ಓದಿರುವುದನ್ನು ಹೆಚ್ಚು ಕಾಲ ನೆನಪಿನಲ್ಲಿ ಇಟ್ಟುಕೊಳ್ಳುವುದು ಸಾಧ್ಯವಿದೆ ಎನ್ನುತ್ತಾರೆ ತಜ್ಞರು.

ಕಂಡದ್ದನ್ನೆಲ್ಲಾ ತಿಂದು ಆರೋಗ್ಯ ಹಾಳು ಮಾಡಿಕೊಳ್ಳದೇ, ಆರೋಗ್ಯಕ್ಕೆ ಪೂರಕವಾದ ಸಮತೋಲನ ಆಹಾರವನ್ನು ಸೇವಿಸಿ, ಓದಿನ ಬಗ್ಗೆ ಗಮನ ಹರಿಸಿ, ಯಶಸ್ಸು ನಿಮ್ಮದಾಗುತ್ತದೆ.

Opinion Poll

  • ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್‌ ಸರ್ಕಾರಕ್ಕೆ ಅನುಕೂಲಕರವಾಗಲಿದೆಯಾ ʼಗ್ಯಾರಂಟಿʼ ಯೋಜನೆಗಳು ?

    View Results

    Loading ... Loading ...