alex Certify
ಕನ್ನಡ ದುನಿಯಾ       Mobile App
       

Kannada Duniya

ಕ್ಯಾರೆಟ್ ಡ್ರೈ ಫ್ರೂಟ್ಸ್ ಲಾಡು

download

ನವರಾತ್ರಿ ಶುರುವಾಗಿದೆ. 9 ದಿನಗಳ ಕಾಲ ದೇವಿಯ ಆರಾಧನೆ ನಡೆಯಲಿದೆ. ಒಂದೊಂದು ದಿನ ಒಂದೊಂದು ಸಿಹಿ ಮಾಡಿ ದೇವಿಗೆ ನೈವೇದ್ಯ ಮಾಡುವ ಸಂಪ್ರದಾಯ ನಮ್ಮಲ್ಲಿದೆ. ನವರಾತ್ರಿಯಂದು ಕ್ಯಾರೆಟ್ ಡ್ರೈಫ್ರೂಟ್ಸ್ ಲಾಡು ಮಾಡಬಹುದು. ಮಾಡೋದು ಬಹಳ ಸುಲಭ.

ಕ್ಯಾರೆಟ್ ಡ್ರೈಫ್ರೂಟ್ಸ್ ಮಾಡಲು ಬೇಕಾಗುವ ಪದಾರ್ಥ:

2 ಕಪ್ ತುರಿದ ಕ್ಯಾರೆಟ್

¼ ಲೀಟರ್ ಹಾಲು

2 ಕಪ್ ಸಕ್ಕರೆ ಪುಡಿ

1 ಕಪ್ ಮಿಲ್ಕ್ ಮೇಡ್

1 ಕಪ್ ಕಾಯಿತುರಿ

1 ಚಮಚ ತುಪ್ಪದಲ್ಲಿ ಹುರಿದ ಮೈದಾಹಿಟ್ಟು

¼ ಕಪ್ ತುಪ್ಪ

1 ಚಮಚ ಏಲಕ್ಕಿ

½ ಕಪ್ ಹುಡಿ ಮಾಡಿದ ಗೋಡಂಬಿ, ಬಾದಾಮಿ, ಒಣದ್ರಾಕ್ಷಿ

½ ಕಪ್ ಒಣಕೊಬ್ಬರಿ

ಕ್ಯಾರೆಟ್ ಡ್ರೈಫ್ರೂಟ್ಸ್ ಮಾಡುವ ವಿಧಾನ:

ಬಾಣೆಲೆಗೆ ತುಪ್ಪ ಹಾಕಿ, ಬಾದಾಮಿ, ಗೋಡಂಬಿ, ಒಣದ್ರಾಕ್ಷಿ ಹಾಕಿ ಹುರಿದುಕೊಳ್ಳಿ.

ನಂತ್ರ ಡ್ರೈಫ್ರೂಟ್ಸ್ ತೆಗೆದು, ಅದೇ ತುಪ್ಪದಲ್ಲಿ ಕ್ಯಾರೆಟ್ ಹುರಿಯಿರಿ. ನಂತ್ರ ಸಕ್ಕರೆ, ಹಾಲು, ಕಾಯಿತುರಿ ಸೇರಿಸಿ.

ಹಾಲು ಇಂಗುತ್ತಿದ್ದ ಹಾಗೆ ಮೈದಾಹಿಟ್ಟು ಹಾಕಿ ತಿರುವಿ. ನಂತ್ರ ಮಿಲ್ಕ್ ಮೇಡ್ ಸೇರಿಸಿ. ತಳ ಹಿಡಿಯದಂತೆ ಕೈ ಆಡಿಸುತ್ತಿರಿ.

ಏಲಕ್ಕಿ ಪುಡಿ, ಡ್ರೈಫ್ರೂಟ್ಸ್, ಉಳಿದ ತುಪ್ಪ ಹಾಕಿ ಗಟ್ಟಿಯಾಗುವವರೆಗೂ ಕೈ ಆಡಿಸಿ.

ಲಾಡಿನ ಹದಕ್ಕೆ ಬಂದ ನಂತ್ರ ಕೆಳಗಿಳಿಸಿ. ತಣ್ಣಗಾದ ನಂತ್ರ ಉಂಡೆ ಕಟ್ಟಿ, ನೈವೇದ್ಯ ಮಾಡಿ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...