alex Certify
ಕನ್ನಡ ದುನಿಯಾ       Mobile App
       

Kannada Duniya

ವೇಗವಾಗಿ ಹರಡ್ತಿದೆ ಜಿಕಾ ವೈರಸ್: ರೋಗದ ಲಕ್ಷಣ, ಚಿಕಿತ್ಸೆ ಹೇಗೆ?

ದೇಶದಲ್ಲಿ ಜಿಕಾ ವೈರಸ್ ಭಯ ಶುರುವಾಗಿದೆ. ಜೈಪುರದಲ್ಲಿ 22 ಮಂದಿಗೆ ಜಿಕಾ ವೈರಸ್ ಕಾಣಿಸಿಕೊಂಡಿದೆ. ರಾಜಸ್ತಾನ, ಬಿಹಾರದಲ್ಲಿ ಹೈ ಅಲರ್ಟ್ ಘೋಷಣೆ ಮಾಡಲಾಗಿದೆ. ಜಿಕಾ ವೈರಸ್ ಬಿಹಾರದಲ್ಲಿಯೂ ಭಯ ಹುಟ್ಟುಹಾಕಿದೆ. ಜೈಪುರಕ್ಕೆ ಪರೀಕ್ಷೆ ಬರೆಯಲು ಬಂದಿದ್ದ ಬಿಹಾರ ವಿದ್ಯಾರ್ಥಿಯೊಬ್ಬನಿಗೆ ಜಿಕಾ ವೈರಸ್ ಕಾಣಿಸಿಕೊಂಡಿದೆ. ಹಾಗಾಗಿ ಆತನ ಕುಟುಂಬದ ಆರೋಗ್ಯದ ಮೇಲೂ ನಿಗಾ ಇಡಲಾಗಿದೆ.

ರಾಜಸ್ತಾನ, ಬಿಹಾರವೊಂದೇ ಅಲ್ಲ ವಿಶ್ವದ 89 ದೇಶಗಳಲ್ಲಿ ಜಿಕಾ ವೈರಸ್ ಹರಡಿದೆ. 2017 ಫೆಬ್ರವರಿಯಲ್ಲಿ ಅಹಮದಾಬಾದ್ ವ್ಯಕ್ತಿಯೊಬ್ಬನಿಗೆ ಮೊದಲು ಜಿಕಾ ವೈರಸ್ ಕಾಣಿಸಿಕೊಂಡಿತ್ತು. ಜಿಕಾ ವೈರಸ್ ಭಯಾನಕ ರೋಗವಾಗಿದೆ. ಜಿಕಾ ವೈರಸ್ ಹರಡುವ ಮೊದಲೇ ಅದ್ರ ಲಕ್ಷಣ ತಿಳಿದಿರುವುದು ಒಳ್ಳೆಯದು.

ಜಿಕಾ ವೈರಸ್ ಡೆಂಗ್ಯು, ಮಲೇರಿಯಾದಂತೆ ಸೊಳ್ಳೆಯಿಂದ ಹರಡುತ್ತದೆ. ಹಗಲಿನ ಸಮಯದಲ್ಲಿ ಈ ಸೊಳ್ಳೆ ಸಕ್ರಿಯವಾಗಿರುತ್ತದೆ. ಈ ಸೊಳ್ಳೆ ಕಚ್ಚಿದ್ರೆ ಅಥವಾ ಜಿಕ್ ಸೋಂಕು ಕಾಣಿಸಿಕೊಂಡವರನ್ನು ಕಚ್ಚಿದ ಸೊಳ್ಳೆ ಮತ್ತೊಬ್ಬರಿಗೆ ಕಚ್ಚಿದ್ರೆ ಸೋಂಕು ಹರಡುತ್ತದೆ. ಅಸುರಕ್ಷಿತ ಶಾರೀರಿಕ ಸಂಬಂಧ ಹಾಗೂ ರಕ್ತದಿಂದ ಜಿಕ್ ಹರಡುತ್ತದೆ.

ಜಿಕ್ ಸೋಂಕು ತಗುಲಿದ್ರೆ ಡೆಂಗ್ಯು ಲಕ್ಷಣಗಳೇ ಕಾಣಿಸಿಕೊಳ್ಳುತ್ತವೆ. ಸುಸ್ತು, ಜ್ವರ, ಕೆಂಪಾಗುವ ಕಣ್ಣು, ಕೀಲು ನೋವು, ತಲೆ ನೋವು ಹಾಗೂ ದೇಹದ ಮೇಲೆ ಕೆಂಪು ರಾಶಸ್ ಕಾಣಿಸಿಕೊಳ್ಳುತ್ತದೆ. ಇದು ಗಂಭೀರ ರೋಗ. ಗರ್ಭಿಣಿಗೆ ಸೋಂಕು ಕಾಣಿಸಿಕೊಂಡಲ್ಲಿ ಮಗುವಿನ ಮೇಲೂ ಇದು ಪರಿಣಾಮ ಬೀರುತ್ತದೆ. ಹೊಟ್ಟೆಯಲ್ಲಿರುವ ಮಗುವಿಗೆ ಜ್ವರ ಕಾಣಿಸಿಕೊಂಡು ಬುದ್ಧಿಮಾಂಧ್ಯತೆಯಂತ ಸಮಸ್ಯೆ ಕಾಡುವ ಸಾಧ್ಯತೆಯಿರುತ್ತದೆ.

ಜಿಕ್ ವೈರಸ್ ನಿಯಂತ್ರಣಕ್ಕೆ ಯಾವುದೇ ಔಷಧಿಯಿಲ್ಲ. ಯಾವುದೇ ಮಾತ್ರೆಯಿಲ್ಲ. ನೋವು ಕಡಿಮೆ ಮಾಡಲು ಪಾರಾಸಿಟಮಲ್ ನೀಡಲಾಗುತ್ತದೆ.

ಜಿಕ್ ವೈರಸ್ ನಿಂದ ರಕ್ಷಣೆ ಪಡೆಯಲು ಡೆಂಗ್ಯನಂತೆಯೇ ಜಾಗೃತೆ ವಹಿಸಬೇಕಾಗುತ್ತದೆ. ಮನೆ ಸುತ್ತ ನೀರು ನಿಲ್ಲದಂತೆ ನೋಡಿಕೊಳ್ಳಿ. ಸ್ವಚ್ಛತೆ ಇರಲಿ. ಸೊಳ್ಳೆಯಿರುವ ಪ್ರದೇಶಕ್ಕೆ ತೆರಳುವಾಗ ಎಚ್ಚರವಿರಲಿ. ಸೊಳ್ಳೆ ರಕ್ಷಕ ಕ್ರೀಂ ಬಳಸಿ.

 

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...