ವಿವಿಧ ಉದ್ದೇಶಗಳಿಗಾಗಿ ಗುರುತಿನ ದಾಖಲೆಯಾಗಿ ಬಳಸಲಾಗುವ PAN (ಶಾಶ್ವತ ಖಾತೆ ಸಂಖ್ಯೆ) ಕಾರ್ಡ್ ಒಂದು ಪ್ರಮುಖ ದಾಖಲೆಯಾಗಿದ್ದು, ನಿಮ್ಮ PAN ಕಾರ್ಡ್ ಅನ್ನು ನೀವು ಕಳೆದುಕೊಂಡಿದ್ದರೆ ಅಥವಾ ಅದು ಹಾನಿಗೊಳಗಾಗಿದ್ದರೆ ಅಥವಾ ಅದರ ಇನ್ನೊಂದು ನಕಲನ್ನು ಹೊಂದಲು ನೀವು ಬಯಸಿದರೆ, ಆನ್‌ ಲೈನ್‌ನಲ್ಲಿ ಮರುಮುದ್ರಣ ಮಾಡಿಕೊಳ್ಳಬಹುದಾಗಿದೆ.
ಆದಾಯ ತೆರಿಗೆ ಇಲಾಖೆ UTITSL ಅಥವಾ NSDL-TIN ಮೂಲಕ PAN ಕಾರ್ಡ್‌ಗಳನ್ನು ನೀಡುತ್ತದೆ. ನಿಮ್ಮ PAN ಕಾರ್ಡ್ ಅನ್ನು ಯಾವ ಸಂಸ್ಥೆ ನೀಡಿದೆ ಎಂಬುದರ ಆಧಾರದ ಮೇಲೆ, ನಿಮ್ಮ ದಾಖಲೆಯ ಮರು ಮುದ್ರಣವನ್ನು ಪಡೆಯಲು ನೀವು ಅವುಗಳಲ್ಲಿ ಯಾವುದನ್ನಾದರೂ ಸಂಪರ್ಕಿಸಬಹುದು.
ನೀವು NSDL ಮತ್ತು UTITSLನ ಆನ್‌ಲೈನ್ ಪೋರ್ಟಲ್‌ಗಳಿಗೆ ಹೋಗಿ “PAN ಕಾರ್ಡ್ ಮರುಮುದ್ರಣ” ಆಯ್ಕೆಯನ್ನು ನೋಡಬಹುದು. ಈ ಸೌಲಭ್ಯದ ಮೂಲಕ ನಿಮ್ಮ ಮನೆಗೆ ತಲುಪಿಸಲಾದ PAN ಕಾರ್ಡ್‌ನ ಮತ್ತೊಂದು ನಕಲನ್ನು ಪಡೆಯಬಹುದಾಗಿದೆ.
ನಿಮ್ಮ ಅಸ್ತಿತ್ವದಲ್ಲಿರುವ PAN ಕಾರ್ಡ್ ಡೇಟಾದಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲು ನೀವು ಬಯಸದಿದ್ದಾಗ ಅದನ್ನು ಬಳಸಿ. ಇದನ್ನು ಪಡೆಯುವ ಮುನ್ನ ಪಾನ್‌ ಕಾರ್ಡ್ ಸಂಖ್ಯೆ, ಹುಟ್ಟಿದ ದಿನಾಂಕ ಹಾಗೂ ಆಧಾರ್‌ ಸಂಖ್ಯೆಯನ್ನು ನಮೂದಿಸಬೇಕಾಗುತ್ತದೆ.
ಎರಡೂ ಏಜೆನ್ಸಿಗಳು ಭಾರತೀಯ ವಿಳಾಸಕ್ಕೆ ತಲುಪಿಸಲು 50 ರೂ. ಶುಲ್ಕ ವಿಧಿಸುತ್ತವೆ ಮತ್ತು ಭಾರತದ ಹೊರಗಿನವರು ಅದನ್ನು 959 ರೂಪಾಯಿಗಳಿಗೆ ಪಡೆಯಬಹುದಾಗಿದೆ.
Loading ...