ನೀತಾ ಅಂಬಾನಿ ಭಾರತದ ಅತಿ ಶ್ರೀಮಂತ ಮಹಿಳೆಯಲ್ಲೊಬ್ಬರು. ಭಾರತದ ಅತ್ಯಂತ ಸಿರಿವಂತ ಎನಿಸಿಕೊಂಡಿರುವ ಉದ್ಯಮಿ ಮುಕೇಶ್ ಅಂಬಾನಿ ಅವರ ಪತ್ನಿ. ನೀತಾ ಅಂಬಾನಿ ಹುಟ್ಟಿನಿಂದ್ಲೇ ಶ್ರೀಮಂತೆ ಆಗಿರಲಿಲ್ಲ.
ಮುಂಬೈನ ಮಧ್ಯಮ ವರ್ಗದ ಕುಟುಂಬದಲ್ಲಿ ಬೆಳೆದವರು ನೀತಾ. ಪದವಿ ಪೂರ್ಣಗೊಳಿಸಿರಲಿಲ್ಲ, ಅಷ್ಟರಲ್ಲೇ ಶಿಕ್ಷಕಿಯಾಗಿ ಕೆಲಸಕ್ಕೆ ಸೇರಿದ್ರು. ಆಗ ನೀತಾಗೆ ಬರುತ್ತಿದ್ದ ಸಂಬಳ ಕೇವಲ 800 ರೂಪಾಯಿ. ಭರತನಾಟ್ಯ ಪ್ರವೀಣೆಯಾಗಿದ್ದ ನೀತಾ ಕಾರ್ಯಕ್ರಮ ನೀಡಲು ಬೇರೆ ಬೇರೆ ದೇಶಗಳಿಗೆ ಹೋಗಿ ಬರುತ್ತಿದ್ದರು.
ಆ ಸಮಯದಲ್ಲಿ ನೀತಾರನ್ನು ನೋಡಿದ್ದ ಧೀರೂಭಾಯ್ ಅಂಬಾನಿ ತಮ್ಮ ಹಿರಿಯ ಮಗ ಮುಕೇಶ್ ಅಂಬಾನಿಯನ್ನು ಮದುವೆಯಾಗುವಂತೆ ಕೇಳಿಕೊಂಡಿದ್ದರು. ಮದುವೆ ನಂತರವೂ ಶಿಕ್ಷಕಿಯಾಗಿ ಕೆಲಸ ಮಾಡಬೇಕೆಂಬ ಆಸೆ ನೀತಾಗಿತ್ತು. ಪತ್ನಿಯ ಆಸೆಗೆ ಮುಕೇಶ್ ಅಂಬಾನಿ ಕೂಡ ನೀರೆರೆದಿದ್ದರು.
ಖಾಸಗಿ ಸ್ಕೂಲ್ ನಲ್ಲಿ ನೀತಾ ಶಿಕ್ಷಕಿಯಾಗಿ ಕೆಲಸಕ್ಕೆ ಸೇರಿಕೊಂಡ್ರು. ಆ ಸಮಯದಲ್ಲಿ ನೀತಾ ಅಂಬಾನಿ ಇಷ್ಟು ಶ್ರೀಮಂತ ಕುಟುಂಬದವರು ಅನ್ನೋದು ಶಾಲೆಯಲ್ಲಿ ಯಾರಿಗೂ ಗೊತ್ತಿರಲಿಲ್ಲ. 1987ರ ವಿಶ್ವಕಪ್ ವೇಳೆ ವಿದ್ಯಾರ್ಥಿಯ ಪೋಷಕರೊಬ್ಬರು ಪಂದ್ಯದ ಎರಡು ಟಿಕೆಟ್ ಕೊಡುವುದಾಗಿ ಹೇಳಿದ್ದರಂತೆ.
ಆದ್ರೆ ನೀತಾ ಅಂಬಾನಿ ಇದನ್ನು ತಿರಸ್ಕರಿಸಿದ್ದರು. ಮ್ಯಾಚ್ ನೋಡಲು ಬಂದಿದ್ದ ಅವರಿಗೆ ನೀತಾರನ್ನು ವಿಐಪಿ ಬಾಕ್ಸ್ ನಲ್ಲಿ ನೋಡಿ ಅಚ್ಚರಿಯಾಗಿತ್ತು. ರಿಲಯನ್ಸ್ ಗ್ರೂಪ್ ಕೂಡ ಪಂದ್ಯದ ಪ್ರಾಯೋಜಕತ್ವ ಪಡೆದಿತ್ತು. ಕೆಲ ವರ್ಷಗಳ ನಂತರ ನೀತಾ ಶಿಕ್ಷಕ ವೃತ್ತಿ ತೊರೆದು, ರಿಲಯೆನ್ಸ್ ಗ್ರೂಪ್ ಉದ್ಯಮದಲ್ಲಿ ತೊಡಗಿಕೊಂಡ್ರು.