alex Certify
ಕನ್ನಡ ದುನಿಯಾ       Mobile App
       

Kannada Duniya

ದಿವಾಳಿತನ ಮೌಲ್ಯಮಾಪನಕ್ಕೆ ಹೊಸ ನಿಯಮ…?

ಮುಂಬೈ: ದಿವಾಳಿಯಾದ ವಾಣಿಜ್ಯ ಕಂಪನಿಗಳ ಮೌಲ್ಯಮಾಪನ ಸಂಬಂಧ ಪ್ರತ್ಯೇಕ ಕಾಯ್ದೆ ರಚಿಸಲು ಸರಕಾರ ಮುಂದಾಗಿದೆ. ಕಳೆದ ಜುಲೈನಿಂದ 40 ಅತ್ಯಂತ ದೊಡ್ಡ ಎನ್‌ಪಿಎ ಖಾತೆಗಳನ್ನು ಎನ್‌ಸಿಎಲ್‌ಟಿಗೆ ಕಳುಹಿಸಲಾಗಿದೆ.

11 ಟ್ರಿಲಿಯನ್‌ ಮರುಪಾವತಿ ಆಗದ ಸಾಲಗಳ ಪೈಕಿ ಶೇ. 40 ರಷ್ಟು ಇವುಗಳವು. ಈವರೆಗೆ 7 ನ್ನು ಬ್ಯಾಂಕ್‌ಗಳು ಬಗೆಹರಿಸಿಕೊಂಡಿವೆ. ಸಂಸ್ಥೆಗಳು ದಿವಾಳಿ ಘೋಷಿಸಿದ ವೇಳೆ, ಬ್ಯಾಂಕ್‌ಗಳಿಗೆ ಸಲ್ಲಬೇಕಾದ ಹಣದ ಕುರಿತು ಅಗತ್ಯ ಕ್ರಮಗಳನ್ನು ಕೈಗೊಳ್ಳಲು ಹೊಸ ಕಾನೂನು ಸಹಕಾರಿಯಾಗಲಿದೆ.

ಈವರೆಗೆ ದಿವಾಳಿತನದ ವೇಳೆ ಸಂಸ್ಥೆಗಳನ್ನು ಮೌಲ್ಯಮಾಪನ ಮಾಡಲು ನೋಂದಾಯಿತಗೊಂಡವರು ಇದ್ದರು. ಆದರೆ ಇದಕ್ಕೆ ಅಗತ್ಯವಾದ ಕಾನೂನುಗಳಿರಲಿಲ್ಲ. ಚಾರ್ಟೆಡ್‌ ಅಕೌಂಟೆಂಟ್ ಹಾಗೂ ಕಂಪನಿ ಕಾರ್ಯದರ್ಶಿಗಳಿಗೆ ಅನ್ವಯವಾಗುವಂತೆ ಹೊಸ ಕಾನೂನು ರಚಿಸಲು ತೀರ್ಮಾನಿಸಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ದಿವಾಳಿತನದ ಪ್ರಕ್ರಿಯೆ ಅತ್ಯಂತ ಕ್ಲಿಷ್ಟಕರವಾಗಿದ್ದು, ಅನೇಕ ಮಂದಿ ಪಾಲುದಾರರು ಇರುತ್ತಾರೆ. ಎಲ್ಲ ವಿಭಾಗದಲ್ಲಿ ಲೆಕ್ಕಾಚಾರದ ವೇಳೆ ಅನೇಕ ಸಮಸ್ಯೆಗಳು ಎದುರಾಗುತ್ತವೆ. ತ್ವರಿತ ಹಾಗೂ ಕಾನೂನಿನ ಚೌಕಟ್ಟಿನೊಳಗೆ ನಿಗದಿತ ಸಮಯದಲ್ಲಿ ಸಂಸ್ಥೆಯ ಮೌಲ್ಯಮಾಪನ ಹಾಗೂ ಇನ್ನಿತರ ಕಾರ್ಯಗಳನ್ನು ಪೂರ್ಣಗೊಳಿಸುವಂತೆ ನಿಯಮ ರೂಪಿಸಲು ಸರಕಾರ ಮುಂದಾಗಿದೆ. ಪ್ರಮೋಟರ್‌ಗಳಿಗೆ ಬಾಕಿ ಇರುವ ಸಾಲಗಳನ್ನು ಪಾವತಿಸಲು ಮತ್ತೊಂದು ಅವಕಾಶವನ್ನೂ ಕೊಡಲಿದೆ. ಉದ್ಯಮಿ ಸ್ನೇಹಿಯಾದ ಕಾನೂನು ಜಾರಿಗೊಳ್ಳಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...