alex Certify
ಕನ್ನಡ ದುನಿಯಾ       Mobile App
       

Kannada Duniya

ಅನುಮಾನಾಸ್ಪದ ಹಣದ ವಹಿವಾಟು ಪತ್ತೆ ಮಾಡೋದು ಹೀಗೆ….

ಬ್ಯಾಂಕ್ ಹಾಗೂ ಇತರ ಹಣಕಾಸು ಸಂಸ್ಥೆಗಳಲ್ಲಿ 2016-17ರಲ್ಲಿ ಅನುಮಾನಾಸ್ಪದ ವಹಿವಾಟುಗಳ ಸಂಖ್ಯೆ ಹೆಚ್ಚಾಗಿದೆ. ಕಳೆದ ವಾರ ಬಿಡುಗಡೆ ಮಾಡಿರುವ ಆರ್ ಬಿ ಐ ವಾರ್ಷಿಕ ವರದಿ ಪ್ರಕಾರ, ಅನುಮಾನಾಸ್ಪದ ಬ್ಯಾಂಕಿಂಗ್ ವಹಿವಾಟುಗಳ ಸಂಖ್ಯೆ 6 ಪಟ್ಟು ಹೆಚ್ಚಾಗಿದೆ.

2015-16ರಲ್ಲಿ 61,361 ಬಾರಿ ಇಂತಹ ವಹಿವಾಟುಗಳು ನಡೆದಿದ್ದವು. ಈಗ ಆ ಸಂಖ್ಯೆ 3.61 ಲಕ್ಷಕ್ಕೆ ತಲುಪಿದೆ. 2014-15ರಲ್ಲಿ 45,858 ಅನುಮಾನಾಸ್ಪದ ಬ್ಯಾಂಕಿಂಗ್ ವಹಿವಾಟುಗಳು ನಡೆದಿದ್ದವು. ಹಣಕಾಸು ಸಚಿವಾಲಯದ ಹಣಕಾಸು ಗುಪ್ತಚರ ಘಟಕ ಈ ಮಾಹಿತಿಯನ್ನು ಆರ್ ಬಿ ಐಗೆ ಒದಗಿಸಿದೆ.

ಬ್ಯಾಂಕ್ ಗಳಲ್ಲಿ ಮಾತ್ರವಲ್ಲದೆ ಹಣಕಾಸು ಸಂಸ್ಥೆಗಳು, ಚಿಟ್ ಫಂಡ್ ಹಾಗೂ ಸ್ಟಾಕ್ ಬ್ರೋಕರ್ಸ್ ಅನುಮಾನಾಸ್ಪದ ವಹಿವಾಟು ನಡೆಸಿದ್ದಾರೆ. ಹಾಗಾದ್ರೆ ಯಾವ ರೀತಿಯ ವಹಿವಾಟುಗಳನ್ನು ಅನುಮಾನಾಸ್ಪದ ಎಂದು ಕರೆಯಲಾಗುತ್ತದೆ ಅನ್ನೋದನ್ನು ನೋಡೋಣ.

ತಪ್ಪಾದ ಗುರುತಿನ ದಾಖಲೆಗಳು ಕೂಡ ಇವುಗಳಲ್ಲೊಂದು. ಒಂದೇ ಹೆಸರಿನಲ್ಲಿ ಹಲವು ಬ್ಯಾಂಕ್ ಖಾತೆಗಳನ್ನು ತೆರೆದಿರುತ್ತಾರೆ. ವಿವರಣೆ ರಹಿತ ವಹಿವಾಟುಗಳು ನಡೆದಿರುತ್ತವೆ. ಇವು ಕೂಡ ಅನುಮಾನಾಸ್ಪದವೇ.

ಸ್ಥಾಪಿತ ವ್ಯಾಪಾರ ಘಟಕ ಅಥವಾ ಉದ್ಯಮದ ಹೆಸರನ್ನೇ ಹೋಲುವ ಹೆಸರಿನಲ್ಲಿ ಖಾತೆಗಳನ್ನು ತೆರೆದಿದ್ದರೆ ಅದು ಕೂಡ ಅನುಮಾನಾಸ್ಪದವಾಗಿರುತ್ತದೆ. ಗ್ರಾಹಕ ಪರ್ಯಾಯವಾಗಿ ವಿವಿಧ ಖಾತೆಗಳನ್ನು ಬಳಸುವುದು, ಹಳೆಯ ವಹಿವಾಟಿಗೆ ಹೋಲಿಸಿದಲ್ಲಿ ಅಸಹಜ ಟ್ರಾನ್ಸಾಕ್ಷನ್ ಕಂಡುಬಂದಲ್ಲಿ ಅದು ಕೂಡ ಅನುಮಾನಾಸ್ಪದ ಎಂದು ಪರಿಗಣಿಸಲಾಗುತ್ತದೆ.

ಸುಪ್ತ ಖಾತೆಗಳಲ್ಲಿ ಹಠಾತ್ ಚಟುವಟಿಕೆ, ವಿದೇಶಗಳಿಂದ ಹೆಚ್ಚಿನ ಮೊತ್ತದ ಹಣಕಾಸು ವಹಿವಾಟು, ಅಸಮಂಜಸ ಗ್ರಾಹಕರಿಗೆ ಹಣ ಪಾವತಿಯನ್ನು ಕೂಡ ಅನುಮಾನಾಸ್ಪದ ವಹಿವಾಟು ಅಂತಾ ಹೇಳಲಾಗುತ್ತದೆ.

ಹಣದ ಮೂಲ ಅನುಮಾನಾಸ್ಪದವಾಗಿದ್ದರೆ, ನಗದು ಮೂಲಕ ಡ್ರಾಫ್ಟ್ ಅಥವಾ ಇತರ ಉಪಕರಣಗಳನ್ನು ಖರೀದಿಸಿದ್ದರೆ ಹಾಗೂ ಅನುಮಾನಾಸ್ಪದ ಆಂತರಿಕ ವಹಿವಾಟುಗಳು ಕೂಡ ಈ ಪಟ್ಟಿಯಲ್ಲಿ ಸೇರುತ್ತವೆ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...