alex Certify
ಕನ್ನಡ ದುನಿಯಾ       Mobile App
       

Kannada Duniya

ಶಿವರಾತ್ರಿ ದಿನ ಹೀಗಿರಲಿ ಶಿವಾರಾಧನೆ: ಅಪ್ಪಿತಪ್ಪಿಯೂ ಈ ಕೆಲಸ ಮಾಡಬೇಡಿ

ಫೆಬ್ರವರಿ 13 ಮತ್ತು 14ರಂದು ಮಹಾಶಿವರಾತ್ರಿ ಆಚರಿಸಲಾಗ್ತಿದೆ. ಈ ಬಾರಿ ಮಹಾಶಿವರಾತ್ರಿ ವಿಶೇಷವಾಗಿದೆ. ಶಿವರಾತ್ರಿ ದಿನ ಭಗವಂತ ಶಂಕರ ಎಲ್ಲೆಲ್ಲಿ ಶಿವಲಿಂಗವಿದ್ಯೋ ಅಲ್ಲಿಗೆ ಬರ್ತಾನೆಂಬ ನಂಬಿಕೆಯಿದೆ. ಆ ದಿನ ಶಿವ ಹಾಗೂ ಪಾರ್ವತಿಯ ಮದುವೆಯಾಗಿತ್ತು. ಇದೇ ದಿನ ಮೊದಲ ಬಾರಿ ಶಿವಲಿಂಗ ಪ್ರಕಟವಾಗಿತ್ತೆಂಬ ನಂಬಿಕೆಯೂ ಇದೆ.

ಭಗವಂತನ ಭಕ್ತರು ಇಡೀ ದಿನ ಉಪವಾಸ ಮಾಡಬೇಕು. ಭೋಲೆನಾಥನ ಸ್ಮರಣೆ ಮಾಡಬೇಕು. ಬೇಗ ಎದ್ದು ಸ್ನಾನ ಮಾಡಿ ಭಸ್ಮವನ್ನು ಹಚ್ಚಿಕೊಂಡು ರುದ್ರಾಕ್ಷಿ ಧರಿಸಬೇಕು. ನಂತ್ರ ಉತ್ತರ ದಿಕ್ಕಿಗೆ ಮುಖ ಮಾಡಿ ಶಿವನ ಆರಾಧನೆ ಮಾಡಬೇಕು. ಓಂ ನಮಃ ಶಿವಾಯ ಮತ್ತು ಶಿವಾಯ ನಮಃ ಮಂತ್ರ ಜಪಿಸಬೇಕು.

ಫೆಬ್ರವರಿ 13 ರ ರಾತ್ರಿ 10.35 ಕ್ಕೆ ಶಿವರಾತ್ರಿ ಶುರುವಾಗಲಿದೆ. 10.30 ರ ನಂತ್ರ ಶಿವ ದೇವಸ್ಥಾನಕ್ಕೆ ತೆರಳಿ ಶಿವನಿಗೆ ಜಲ ಅರ್ಪಿಸಬಹುದು. ಫೆಬ್ರವರಿ 14ರ ರಾತ್ರಿ 12.45ರವರೆಗೂ ಶಿವಾರಾಧನೆಗೆ ಅವಕಾಶವಿದೆ. ಫೆಬ್ರವರಿ 13ರ ರಾತ್ರಿ ಶಿವಾರಾಧನೆ ಮಾಡುವುದು ಶುಭಕರ.

ಶಿವರಾತ್ರಿಯಂದು ಶಿವ ಭಕ್ತರು ಭಕ್ತಿಯಿಂದ ಪೂಜೆ ಮಾಡ್ತಾರೆ. ಆದ್ರೆ ಈ ವೇಳೆ ಮಾಡುವ ಕೆಲ ತಪ್ಪುಗಳು ಶಂಕರನ ಕೋಪಕ್ಕೆ ಕಾರಣವಾಗುತ್ತದೆ. ಶಿವರಾತ್ರಿಯಂದು ವೃತ ಮಾಡಿ ಶಿವನ ಕೃಪೆಗೆ ಪಾತ್ರರಾಗಬಯಸುವವರು ಕಪ್ಪು ಬಣ್ಣದ ಬಟ್ಟೆಯನ್ನು ಅಪ್ಪಿತಪ್ಪಿಯೂ ಧರಿಸಬೇಡಿ.

ಶಿವಲಿಂಗಕ್ಕೆ ಎಂದೂ ಶಂಖದಿಂದ ಜಲವನ್ನು ಅರ್ಪಿಸಬೇಡಿ. ತುಳಸಿಯನ್ನೂ ಪೂಜೆಗೆ ಬಳಸಬೇಡಿ. ಹಾಗೆ ಶಿವನ ಆರಾಧನೆ ವೇಳೆ ಸಾಸಿವೆಯನ್ನು ಎಂದೂ ಬಳಸಬೇಡಿ.

ಭಗವಂತ ಶಿವನಿಗೆ ಎಂದೂ ತುಂಡಾಗಿರುವ ಅಕ್ಕಿಯನ್ನು ನೀಡಬೇಡಿ. ಶಿವರಾತ್ರಿಯಂದು ಶಿವಲಿಂಗಕ್ಕೆ ಎಳನೀರನ್ನು ಅರ್ಪಿಸಬೇಡಿ. ತೆಂಗಿನಕಾಯಿ ಶಿವನ ಪೂಜೆಗೆ ನೀಡಬಹುದು. ಕುಂಕುಮ ಹಾಗೂ ಅರಿಶಿನವನ್ನು ಶಿವನಿಗೆ ಅರ್ಪಿಸಬಾರದು. ಶಿವನಿಗೆ ಪ್ರಿಯವಾದ ಬಿಲ್ವಪತ್ರೆ ಮುರಿದಿರಬಾರದು. ಶಿವನ ಆರಾಧನೆ ವೇಳೆ ಅನೇಕ ವಿಷ್ಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕಾಗುತ್ತದೆ. ಇಲ್ಲವಾದ್ರೆ ಮಾಡಿದ ಪೂಜೆಗೆ ಫಲ ಸಿಗುವುದಿಲ್ಲ.

Subscribe Newsletter

Get latest updates on your inbox...

Opinion Poll

  • ಕೇಂದ್ರದ ಬಿಜೆಪಿ ಸರ್ಕಾರ, ತನಿಖಾ ಸಂಸ್ಥೆಗಳನ್ನು ಬಳಸಿಕೊಂಡು ವಿರೋಧಿಗಳನ್ನು ಹಣಿಯುವ ದ್ವೇಷದ ರಾಜಕಾರಣ ಮಾಡುತ್ತಿದೆಯಾ?

    View Results

    Loading ... Loading ...