ಸಮಸ್ಯೆಗಳಿಲ್ಲದ ಮನುಷ್ಯರಿಲ್ಲ. ಎಲ್ಲರ ಜೀವನದಲ್ಲಿ ಒಂದು ಒಂದು ಸಮಸ್ಯೆ ಕಾಡುತ್ತಿರುತ್ತದೆ. ಸಮಸ್ಯೆ ಎದುರಾದಾಗ ಮನುಷ್ಯ ಕುಗ್ಗುವುದು ಸಹಜ. ಆದರೆ ಸಮಸ್ಯೆಗಳನ್ನು ಎದುರಿಸಿದಾಗ ಮಾತ್ರ ಜೀವನದಲ್ಲಿ ಸಾಧನೆ ಮಾಡಬಹುದು.
ಕೆಲವೊಮ್ಮೆ ಏನು ಮಾಡುವುದಕ್ಕೆ ತೋಚದೇ ಇದ್ದಾಗ ಅಂತಹವರು ಈ ಕ್ರಮ ಅನುಸರಿಸಿದರೆ ಸಮಸ್ಯೆಯನ್ನು ನಿವಾರಿಸಿಕೊಳ್ಳಬಹುದು.
ಮೊದಲಿಗೆ ಒಂದು ಶುಭ್ರವಾದ ಬಿಳಿ ಬಣ್ಣದ ಬಟ್ಟೆಯನ್ನು ತೆಗೆದುಕೊಳ್ಳಿ. ಅದನ್ನು ಅರಿಶಿನವಿರುವ ಬಟ್ಟಲಿನಲ್ಲಿ ಅದ್ದಿ. ಈ ಬಟ್ಟೆಯನ್ನು ದೇವರ ಮುಂದೆ ಇಟ್ಟು ಪೂಜೆ ಮಾಡಿ. ಆಮೇಲೆ ಈ ಬಟ್ಟೆಯ ಮೇಲೆ 2 ನಾಣ್ಯ ಹಾಕಿ. ಕಷ್ಟಗಳೆಲ್ಲಾ ಕರಗಿ ಹೋಗಲಿ ಎಂದು ಶುದ್ಧವಾದ ಮನಸ್ಸಿನಿಂದ ಬೇಡಿಕೊಳ್ಳಿ. ನಾಲ್ಕು ವಾರ ಕಳೆದ ನಂತರ ಈ ಬಟ್ಟೆಯನ್ನು ಹರಿವ ನೀರಿಗೆ ಹಾಕಿ ಇದರಿಂದ ನಿಮ್ಮ ಸಮಸ್ಯೆಗಳೆಲ್ಲಾ ನಿವಾರಣೆಯಾಗುತ್ತದೆ.
ಒಂದು ಸಣ್ಣ ಪಾತ್ರೆ ತುಂಬ ನೀರು ತುಂಬಿಸಿ ಸ್ವಲ್ಪ ಚಂದನವನ್ನು ಅದರಲ್ಲಿ ಸೇರಿಸಿ. ಯಾವ ವ್ಯಕ್ತಿ ಸಮಸ್ಯೆಯಿಂದ ಬಳಲುತ್ತಿದ್ದಾನೋ ಆ ವ್ಯಕ್ತಿ ಮಲಗುವ ಮಂಚದ ಕೆಳಗೆ ಈ ಪಾತ್ರೆಯನ್ನು ಇರಿಸಿ. ಬೆಳಿಗ್ಗೆ ಎದ್ದ ತಕ್ಷಣ ಈ ನೀರನ್ನು ತುಳಸಿ ಗಿಡ ಅಥವಾ ಯಾವುದಾದರೂ ಹೂವಿನ ಗಿಡಕ್ಕೆ ಹಾಕಿ. ಇದರಿಂದ ಕೂಡ ಕಷ್ಟ ನಿವಾರಣೆಯಾಗಿ ಸುಖ ಶಾಂತಿ ದೊರಕುತ್ತದೆ.
Loading ...